«15 سنة مستتاه».. نهى في دعوى خلع: شايلة البيت كله على كتفي لوحدي حتى مصاريفه
سنوات طويلة تحاول فيها نهى إصلاح حياتها الزوجية المنهكة من العام الأول من زواجها، وذلك بسبب زوج لا يعرف شيء عن المسئولية لا يريد فعل شيء سوى تكاسله في المنزل لا يهمه ماذا تفعل زوجته لتغطية مصروفات المنزل، متأقلمة على الوضع لا يهمها شيء سوى أولادها وفي اليوم الذي قررت فيه أن تلجأ له بسبب ضغط مصروفات المنزل ولكنه لا يهتم لما تقوله ما جعلها تلجا لرفع دعوى خلع في محكمة الزنانيري.
معندوش إحساس من ساعة ما اتجوزته
"قاعد في البيت ميعرفش حاجة عن العيال" هكذا بدأت نهى حديثها تروي قصتها للقاضي تستنجده ليتنقذها من حياتها، تتابع قائلة: “متجوزين بقالنا 15 سنة وهو مبيعملش أي حاجة غير إن هو قاعد في البيت من غير شغلة ولا مشغلة، كل اللي عليه إنه يأكل وبس مبيفكرش حتى يسأل الأكل دا جه إزاي”.
أضافت نهى: "استحملت معاه من أول الجواز عيشة محدش يستحملها بس كان عندي أمل إنه يتغير ولما خلفت مقدرتش أمشي وأسيب العيال كدا، وقررت إني أنا هكم لمعاه عادي وأنا اللي هشيل مسئولية ابيت والعيال كلها لوحدي ومش عايزة حاجة منه".
تحملت هذه الحياة مع الزوج الذي لا يعرف شيء عن المسئولية من أجل أولادها، وفي نفس الوقا كانت تحاول إقناعه بالنزول للعمل ولكنه يرفض نهائيًا، تستكمل الحديث: "كل الناس كانت مستغربة أنا غزاي مستحملة الحياة دي ومستحملة إن جوزي يقعد في البيت كدا وأنا اللي أصرف عليه وهو قاعد بروطة كدا، بس أنا مكنش فارق معايا حاجة غير إن اهتم بعيالي بس".
رفع دعوى خلع بمحكمة الزنانيري
تحملت سنة واثنين وبعد 15 عامًا فاض بها الكيل حينما زادت المصروفات ليه وحدها وطلبت منه مساعدتها ولكنه تهرب هنا قررت أن تنهي حياتها الزوجية، تضيف نهى لحديثها: "بقالي 15 سنة شايلة البيت كله على كتفي لوحدي حتى مصاريفه أنا اللي شايلاها وكنت ومستحملة عشان خاطر العيال، بس المصاريف كترت عليا أوي وأنا مبقتش مكفية مصاريف العيال، طلبت منه إني عايزة فلوس وكان رده وأنا مالي إن شاء الله يموتوا من والجوع مش هصرف عليهم".
تنهي نهى قصتها: "غلطة عمري إني استحملت كل السنين دي مع واحد عديم الإحساس والمسئولية زيه، عمري ما شوفت حد مش فارق معاه عياله زيه كدا ومش فارق يموتوا من الجوع ولا لا، بعد كل السنين دي قررت إني خلاص مش هستحمل تاني وهخلعه نعشان خاطر عيالي".
تابع أحدث الأخبار عبر
