«البخيل وأنا».. سحر: سايبنا نموت من الجوع وبياكل عند أمه المحمر والمشمر
بخل شديد تعاني منه الزوجة بمجرد دخولها عش الزوجية مع العلم أنها أكدت على أنه كان مختلف طوال فترة الخطوبة حتى أنه كان معروف بسخاءه الشديد، لذلك تعجبت من التحول المفاجئ التي شهدته من بداية الزواج، فظنت أن حاله يتغير بعد إنجابها للأطفال ولكن في الحقيقة أن كل التغير كان للأسوأ فقط، إذ يترك أولاده بدون طعام وفي نفس الوقت يكون عند والدته لتطعمه المحمر والمشمر.
سحر: سايبنا نموت من الجوع وبياكل عند أمه المحمر والمشمر
"لو عياله هيموتوا من الجوع مش هيفرق معاه في حاجة" بهذه الكلمات بدأت سحر حديثها للقاضي مؤكدة على المعاناة التي تعيشها مع زوجها بسبب بخله الشديد التي كانت لا تعرف عنه أي شيء قبل الزوج، فكان طوال فترة الخطوبة شديد السخاء، ولكن بعد الزواج تبدل الحال واكتشفت بخله.
أكملت الزوجة: "كان طول فترة الخطوبة بيصرف كويس وكل حاجة أنا عايزاها بيجيبهالي على طول، مكنش باين عليه إنه بخيل أو حريص حتى عشان كل معاملاته معايا مكنتش بتبين دا".
مش فارق معاه العيال يأكلوا ولا ميأكلوش
أضافت: "بعد الجواز بقا شفت حد تاني خالص غير اللي أعرفه، بدأ بإنه مش راضي يسيب لي مصروف ولما كنت بكلمه كان بيقول لي أنتِ مش هتحتاجي حاجة عشان كدا مش هسيب لك مصروف، فضلنا على الحال دا لحد ما خلفت ابني الأول"، تستكمل قائلة: "كنت فاكرة إنه هيتغير لما أخلف ويصرف عادي على عياله بس للأسف زاد في بخله ومبقاش فارق معاه عياله، حتى لو قعدوا طول اليوم من غير أكل مبيفكرش يسأل فيهم، بنأكل بس لما بنروح عن أهلي غير كدا بنأكل أي حاجة موجودة في التلاجة ومكنش بيبقىموجود فيها غير جبنة".
بيسيبني أنا والعيال من غير أكل وبيروح يتغدى عند أمه
يتمادى بخل الزوج يوم بعد يوم، لم يلتفت لأولاده الذين يتضورون جوعًا تاركهم لم يلتفت لأمرهم وعلى الجانب الأخر ذهب ليأكل عند والدته، تضيف لحديثها: "على قلبه مراوح، يبقى سايبنا كدا من غير أكل ويروح يأكل عند أمه المحمر والمشمر، ولو جيت أكلمه يطلعني أنا الغلطانة في الأخر معرفش إزاي، صعب عليا العيال وهما جعانين كدا كل يوم"، أنهت سحر الحديث: "رفعت قضية طلاق بقالي 3 شهور أكرملهم وأكرملي، عشان مقدرتش اشوف عيالي جعانين كدا وأنا مش عارفة أعملهم حاجة".
تابع أحدث الأخبار عبر
