«شهر العسل قلب بجحيم».. إنجي في دعوى طلاق: موريني الويل عشان حملت
شهر واحد فقط عاشته "إنجي" في عش زوجية وحياة طبيعية، وبمجرد معرفة الزوج لحملها في الشهر الثاني من الزواج وجدت نفسها في مشكلات لا نهائية بسبب أنه لا يريد الإنجاب، حاول الأهل الإصلاح بينهما أكثر من مرة ولكن الأسلوب الذي يتبعه الزوج جعل الزوجة تلجأ لـ إقامة دعوى طلاق بعد إنجابها للطفل الثاني.
من قبل الجواز وهو بيقول لي مش عايز عيال
"مش عايز عيالي وأول ما عرف إني حامل معيشني في جحيم" بهذه الكلمات استهلت انجي حديثها وهي تروي قصتها للقاضي مؤكدة على أنها لم تعش حياة طبيعية في عش الزوجية سوى شهر واحد فقط، تستكمل حديثها قائلة: “أول شهر في الجواز كانت الدنيا تمام وماشية عادي مفيش أي مشاكل بس كل حاجة اتغيرت وبقى واحد تاني وعلى طول يمد إيده أول لما عرف إني حامل”.
أضافت: "هو كان قايل لي قبل الجواز إنه مش عايز يخلف دلوقتي وأنا كنت فاكره هيتغير بعد الجواز وموضوع الخلفة دا هيتقبله ويبقى عايز يخلف بس للأسف مطلعش كدا خالص".
تابعت إنجي: "بدأت بقا بينا المشاكل من أول ما حملت وكل شوية يقول لي مش أنا قلت لك مش عايز عيال دلوقتي، وكل خناقةبينا يجيب السبب في الخلفة والعيال، سبت البيت وأنا حامل كتير بس ماما كانت كل شوية ترجعني".
أنجبت إنجي ابنها الأول وظنت أن معاملة الزوج تتغير معها وقلبه يرق عليها وعلى طفله الصغير ولكنه تمادى في معاملته القاسية معها التي جعلتها تفكر في الانفصال أكثر من مرة، تضيف الزوجة لحديثها: "خلفت ابني الأول وكنت فاكراه هينسى كل حاجة وهيطير من الفرحة بس كنت غلطانة، ومن أول لما خلفتوهي مشاكله معايا بتزيد وعلى طول مش طايق لي كلمة وخناقات مبتخلصش كل يوم".
المشكلات زادت لما خلفت ابني التاني
تدخل الأهل أكثر من مرة لحل الخلافات بينهما ولكن الزوج كان مصمم على خراب المنزل خصوصًا بعد ما انجبت الزوجة الطفل الثاني، اشتعلت المشكلات أكثر وأكثر ما جعل الزوجة تفكر في الانفصال أهون لها فاتجهت لـ محكمة الاسرة لرفع دعوى طلاق.
تتابع: "أهلي كل شوية يتدخلوا بينا عشان يصلحوا بينا بس خلاص الموضوع زاد وهو مبقاش يطاق بالذات لما خلفت ابني التاني واحنا بقينا عايشين في مشاكل بس وكل حاجة يجيبها في العيال إنهم السبب، مقدرتش استحمل ورفعت قضية طلاق بقالي 3 شهور".
تابع أحدث الأخبار عبر
