أسماء في دعوى طلاق: «مفهمني إني أول بخته وطلع متجوز وعنده أورطة عيال»
جربت "أسماء" حظها في زواجها الأول وكانت نهايته الانفصال الحتمي بعد 7 سنوات، لذلك قررت عدم تكرار التجربة مرة أخرى، ولكنها تنازلت عن قرارها عندما رأت الرجل الذي جعلها تعيد تفكيرها في الزواج، تزوجت وعاشت أجمل 5 سنوات في حياتها على حد قولها ، ولكن لم تستمر سعادتها أكثر من ذلك بعد ما اكتشفت أنه متزوج من أخرى ولديه أربع أولاد.
خداع عاشت فيه الزوجة لأكثر من 5 سنوات على أساس أن الزوج لم يسبق له الزواج من قبل ، وكانت المفاجأة التي اكتشفتها وهي أنه متزوج من أخرى ولديه أربع أولاد، تستهل الزوجة الحديث: "كنت متجوزة قبل كدا وكنت بفكر إني خلاص مش هتجوز تاني عشان مش عايزة أعيش اللي عشته تاني في جوازتي الأولى، بس عرفت شخص تاني محترم جدًا قال لي إنه عايز يتجوزني أنا كنت مترددة في الأول عشان خايفة من فكرة الجواز للمرة التانية، بس هو كان كويس جدًا وأسلوبه معايا حسيته إنه غير جوزي الأولاني".
عيشت معاه أحلى خمس سنين
وافقت "أسماء" على الزواج للمرة الثانية لأنها رأت فيه العوض عن زواجها الأول الفاشل، "وبعدما تزوجت عاشت معه 5 سنوات من السعادة الغامرة وتأكدت أنه العوض لها هي وأطفالها الصغار عن المعاناة التي عاشتها، أضافت: "اتجوزنا وبصراحة كان كويس معايا ومع العيال وبيعاملهم بما يرضي الله ومبيخليش أي حد فيهم محتاج حاجة وأنا كمان مكنش بيخليني محتاجة أي حاجة، حبيته أكتر بعد ما اتجوزنا عشان حسيت إن ربنا عوضني بيه".
طلع متجوز وعنده أورطة عيال
لم تكمل الزوجة سعادتها سوى الخمس سنوات فقط لتكتشف بعد ذلك أنه متزوج من أخرى مع العلم أنه أخبرها أن هذه هي التجربة الأولى له في الزواج، تتابع أسماء حديثها قائلة: "كان مفهمني إنه متجوزش قبل كدا خالص وأن أنا أول حد في حياته، بس اللي عرفته بعد خمس سنين إنه متجوز وعنده أربع عيال، انصدمت فيه صدمة كبيرة عشان متخيلتش إنه يعمل كدا أبدًا ومكنش باين عليه أي حاجة وبيبات معايا في البيت عادي وكان بيحبني أوي كمان بس معرفش خبى عني ليه"، انهت الزوجة رواياتها: "محستش معاه بالأمان وطالما كذب عليا مرة في حاجة كبيرة زي دي يبقى هيكذب عليا تاني وتالت، رفعت عليه قضية طلاق عشان مش عايزة أكمل مع واحد كداب زي دا".
تابع أحدث الأخبار عبر
