سعاد في دعوى طلاق: "كان راسم علينا دور المحترم وخاني مع مرات أخويا"
صدمة كبيرة لقتها "سعاد" في السنة الرابعة بعدما اكتشفت خيانة زوجها مع زوجة شقيقها، فكانت بين نارين نار أنها تخبر الزوج وتخرب بيتها وبين نار أنها تكتم قهرها في قلبها دون أن تخبر أحد لكي تكمل حياتها، ولكزن في النهاية لم تتحمل كتم حسرتها أكثر من ذلك ونوت على إخبار زوجها وشقيقها.
أول سنتين في الجوز كانوا تمام
"متجوزة بقالي أربع سنين نصهم كانت الدنيا تمام والدني ماشية بينا زي الفل بس بعد كدا حياتنا اتشقلبت وبقى على طول مش عايز يقعد في البيت، حتى العيال مبقاش طايقلهم كلمه"، بهذه الكلمات بدأت سعاد تروي قصتها للقاضي بعد ما تلقت الصدمة الكبرى في زوجها، تابعت: "هو صاحب أخويا من زمان والعيلة كلها تعرفه وكان باي عليه إنه شخص محترم وكويس، وعشان كدا لما اتقدم لي أهلي وافقوا عليه عشان شايفين قد إيه هو محترم".
أضافت سعاد: "اتجوزنا وكانت كل حاجة ماشية تمم في أول سنتين جواز، بس من بعد السنتين دول وهو بقى واح تاني ومبقاش عايز يقعد في البيت خالص وعلى طول برا، بدأت اشك إن في حاجة".
تغير الزوج جعل الشكوك تحاوطها
بدأ الشك يحاوط الزوجة بسبب تغير أسلوب الزوج المفاجئ معها ومع الأولاد وقرلرت أن تفتش وراء سبب هذا التغير لتعرف ما الذي يجري، ولكن قبل أن تنفذ خطتها جاء الخبر اليقين بأن زوجها على علاقة بأخرى، والمفاجأة الأكبر أن السيدة كانت زوجة شقيقها، أخذت الصدمة وهي في حيرة ما بين تخبر زوجهاوتتفتعل مشكلات وبين أن تتستر على الموضوع لتحافظ على بيتها وبيت شقيقها.
تابعت سعاد: "كنت مستغربة من أسلوبه الغريب دا ومش فاهمة ليه وفكرت أفتش الموبايل بس مكنتش عارفة، في يوم لقيت حد أتصل بيا وقال لي جوزك بيخونك مع مرات اخوكي".
أضافت: "مصدقتش نفسي إن ممكن يخوني وكمان مع مرات أخويا، مبقتش عارفة أعمل إيه والمفروض أروح أقول لجوزي إني عرفت واكبر الموضوع ولا اسكت عشان مخربش بيتي وبيت أخويا".
دعوى طلاق
لم تقدر الزوجة على كتم حسرتها أكثر من ذلك، تابعت سعاد: "أول لما عرفت سكزت شهرين وحاولت معرفش حد بس لقيت الموضوع بيزيد ومسكت الموبايل أقلب عشان اتأكد لقيت الكلام بينهم رايح في حته مش مظبوطة".
أضافت: "روحت كلمت جوزي وأخوي عرف والموضوع كبر وأخويا طلق مراته وهو مكنش راضي يطلقني، جيت ارفع دعوى طلاق عشان مقدرتش أكمل معاه كدا".
تابع أحدث الأخبار عبر
