«تحملت ضرب وإهانة».. فدوى: أخره أسبوع في أي شغلانه وتصرفاته مع ولاده كرهتهم فيه
لمدة ١٣ عامًا تحملت «فدوى» طباع زوجها السيئة فقط من أجل أولادها وأن تحافظ علي بيتها ولكن أفعال زوجها كانت أقوى من قدرة تحملها وجعلت نهاية حياتهما سويًا حتميه.
تزوجت «فدوى» وأنجبت طفلين ومنذ بداية زواجها وظهر وجه زوجها الأخر وأنه رجل غير قادر على تحمل المسؤولية وقاس القلب عيلها وعلى أطفالهم، بالرغم من محاولة «فدوى» أن تحافظ على صحة أولادها النفسية وأن تربيهم تربية حسنة لم يقدر زوجها أي مما فعلته له أو لأولادهم ودمر نفسيتها هي و أولادهم وجعلها تلجأ لمحكمة الأسرة لتنهي حياتها معه وتطالب بحقوق أبنائها.
أخره أسبوع في أي شغلانه
قالت «فدوى»: “اتجوزت من ١٣ سنة وخلفت ولد وبنت وسايبه جوزي بقالي ٣ سنين، سيبته بسبب أسلوب وسلوكه وتعامله الوحش معايا وشكه وغير أنه مبيشتغلش ولا بيصرف عليا ولا على ولاده”.
تابعت «فدوى»: “مشكلتي معاه الكبيرة إن طول السنين دي مبيشتغلش بيشتغل أسبوع وعشرة لا، أي شغل جديد ينزل أسبوع بس وبعدين يسيبه، وأنا مكنتش بشتغل يدوبك بعيش باللي هو بيجيبه، كان بيسبني اعده عند أهلي بالشهور، أهلي كانوا بيساعدوني ويدوني فلوس عشان أعرف أعيش، وكنت بستحمل وأمشي الدنيا”.
اتحملت ضرب وإهانة عشان ولادي
أضافت الزوجة: “فوق إني أتحملت كل ده كان بيضربني وضرب جامد، كان يضربني بعصاية ويجري ورايا في الشقة لأتفه الأسباب، هو عصبي جدا من زمان، عيشت وقلت كفاية انه لا ستات لا مخدرات، بس الضرب كان بيزيد ومعاملته السيئة كانت بتزيد”.
اقرأ أيضا
ساب الشغل عشان ميصرفش علينا
أكملت «فدوى» كلامها وقالت: "قررت اسيبه وارفع عليه دعوى طلاق وبعدين رفعت دعوى نفقة، مش عايز يطلق عشان ميدفعش حاجة، وحاول يرجعني من ساعة ما سيبته بس إيه الضمان إنه ميرجعش زي الأول تاني، انا دلوقتي باخد نفقة متجمد لأنه مبيدفعش وساب الشغل وخد مكافئته وقاعد في البيت عشان ميصرفش علينا.
بيجي مكان الرؤية ميسلمش على العيال
أضافت «فدوى»: عياله مبيسألش عليهم، ورفع دعوى رؤية بس عشان يبهدلني بيجي الرؤية ميشوفهمش ولا بيسلم عليهم، وبيقولهم إنه مبيحبهمش ومش عايز يشوفهم، ولادي بيروحوا الرؤية بس عشان متأذيش، هما في تالتة إعدادي وستة ابتدائي وكرهوه خلاص، لما قلتلهم هاتولوا هدية رفضوا، تصرفاته معاهم كرهتهم فيه.
تابع أحدث الأخبار عبر
