نهى في دعوى خلع: "خلص سرقة في حاجة البيت ودخل على الجيران"
حلمت "نهى" بحياة تملؤها السعادة والاستقرار في عش الزوجية الذي تسكنه مع شريك حياتها، ولكن في أغلب الأوقات تتحول الأحلام لكابوس تريد الزوجة التخلص منه بأي طريقة مثل وفاء التي لجأت لمحكمة الأسرة ورفع دعوى خلع بعدما أدركت استحالة العيش مع زوجها في بيت واحد.
معاناة تعيشها الزوجة من بداية الزواج بعدما علمت بإدمان الزوج الذي جعلها لا تريد سوى الفرار من حياتها والعيش في حياة هادئة بعيدًا عن كل المشكلات التي يتسبب فيها، استهلت حديثها: "هو قريبنا من بعيد بس مكنتش عرفاه أوي ولما جه اتقدملي ماما قالتلي دا كويس جدًا وشغال في شركة كويسة بمرتب كويس هيعيشك أحلى عيشة، اتخطبنا وقعدنا سنة ونص وبعدين اتجوزنا".
أضافت: "كنت فاكرة إني هعيش أحلى عيشة زي ما ماما قالتلي بس في الحقيقة إني من ساعة ما اتجوزت وأنا مشوفتش يوم عدل معاه، على طول قلة أدب وقلة قيمة قدام الناس ولا بيفرق معاه أي حاجة".
قاعد في البيت من غير ولا شغلة ولا مشغلة
تكاسل الزوج عن العمل دون أي مبرر وبدأت الخلافات والمشادات تتصاعد بسبب إهماله لها هي والأولاد، وكانت لا تعرف في البداية السبب وراء تصرفاته وبعد فترة علمت أن المخدرات هي السبب، تابعت: "كنا بنتخانق خناقات عادية في الأول زي أي بيت، بس بدأت المشاكل تزيد بالذات لما لقيته قعد في البيت ومش راضي ينزل الشغل ومفيش فلوس نصرف منها وكل ما أجي أقوله انزل الشغل يقولي مش هنزل".
أضافت نهى: "لاحظت في حاجات ناقصة في البيت وانا مش فاهمة بتروح فين ولما حاجات كتير بقت تختفى شكيت فيه بس هو قالي لا مش أنا، بس كل حاجت البيت اختفت، وعرفت إنه بيسرقهم علشان يبيعهم ويجيب بيها مخدرات".
بيسرق الجيران
استكملت: “مش بس كدا، دا بقى يسرق كمان حاجات من الجيران وبقوا يشتكولي منه عشان بيسرق أي حاجة قدامه في العمارة أو من الجيران، لما لقيت ناس كتير بقت بتيجي تقولي جوزك سرقني مبقتش عارفة أقولهم إيه”.
انهت نهى قصتها: "سبت له البيت وطلبت منه الطلاق بس هو مش راضي وقال لي عندك المحاكم، رفعت قضية خلع بقالي 3 شهور ولسه ماشية في الإجراءات".
تابع أحدث الأخبار عبر
