نهلة في دعوى خلع: "حلفته ميرجعش للمخدرات ومعملش باليمين اللي حلفه"
العديد من السيدات الآتي ينتهي بهن الأمر في محكمة الأسرة بسبب تعاطي أزواجهن المخدرات منهم من هربت عندما اكتشفت إدمان زوجها ومنهم من صبرت على زوجها وعاشت لتساعده وتحاول أن تعالجه وتنقذ حياته مثل «نهلة» التي حاولت بكل الطرق أن تحافظ على زواجها وتعالج زوجها لكن التحدي كان أقوى منها فدمر عائلتها وصحتها وحياتها كلها.
دعوى خلع
في سن الـ 18 كانت «نهلة» فتاة صغيرة وقعت في حب شخص وقررت أن تتحدى أهلها وتتزوجه رغم اعتراضهم وممكن أن يكون هذا هو السبب الذي جعلها تصبر 17 سنة على زوجها الذي دمرت المخدرات حياته، من 8 سنين اكتشفت «نهلة» أن زوجها مدمن للمخدرات وحاولت بكل الطرق أن تصلح حال زوجها وتعالجه من الإدمان لكن من سنتين تدهورت حالتها الصحية و لم تسطع أن تحارب و تحاول أكثر من ذلك وقررت أن تستسلم وتتركه لتنقذ أولادها الأربعة وما تبقى من نفسها.
قالت «نهلة» وبان عليها الخدلان والضعف: حياتنا كانت عادية والمشاكل كانت طبيعية لكن مع الوقت المشاكل بقت كتيره وعلى كل حاجة، من 8 سنين بقي بيتعاطى مخدرات عمره ما كان بيضربني لكن من ساعة المخدرات الحياة كلها بقت ضرب واهانة ضربني قبل كدة وخلع كتفي عشان كلمت صاحب أخويا في فرح أخويا وعملت فيه محضر لكن اتنازلت عشان خاطر ولادي.
أضافت «نهلة» في دعوى خلع: أنا بقالي 4 سنين مريضة عندي مشاكل في المعدة والقاولون بسبب أن المرارة انفجرت وأن المشاكل كترت أوي في حياتي، دخلت في مشاكل نفسية اكتئاب بسبب مرضي واللي جوزي كان بيعمله فيا، أثناء مرضي هو كان معايا أول سنتين وبعدين بقي يعايرني بالمرض ويقولي أنا زهقت منك وبقالي كتير بلف بيكي.
حلفته ميرجعش للمخدرات ومعملش باليمين اللي حلفه
لسنين عديدة عاشت «نهلة» في هذا العذاب مع زوجها وتحملته من أجل أولادها وبسبب مرضها وحاولت بكل الطرق أن تصلح زوجها لكن محاولتها بائت بالفشل ولم يقدر زوجها أي من تضحياتها ولجات في النهاية لرفع دعوى خلع لأن زوجها رفض تطليقها.
تابعت «نهلة» والدموع في عينيها: وديته تلت مرات مصحة عشان يتعالج من المخدرات عشان خاطر ولادي وأخر مرة بعد لما رجع حلفته على المصحف إنه لو رجع للمخدرات هطلق منه ومرعاش اليمين اللي حلفه ولما اكتشفت أنه رجع تاني وواجهته ضربني علقة موت وأنا تعبانة كنت هموت، الجيران هما اللي كلمو اهلي عشان يجو يلحقوني، انا كنت عايزة اسيبه أصلا لأن الديون كانت كترت عليا بسبب العلاج والولاد والايجار وهو مكنش بيصرف بقاله سنتين وأنا مبقتش أقدر أقوم من السرير وكنت أنا اللي بمشي البيت بمساعدة أهلي لكن بعد اللي عمله ده قررت أني اسيبه وألحق نفسي أنا وولادي.
تابع أحدث الأخبار عبر
