«مربي للعيال الرعب».. سهى: كسر المقشة على ابنه اللي مكملش 4 سنين
ضرب وإهانة تتعرض لها الزوجة منذ بداية الزواج فكانت تصبر على قدرها، لكن بدأت المشكلات والخلافات تتصاعد بعدما اتجه الزوج لضرب الأولاد بطريقة مبرحة، لم تتحمل معاملته لهم أكثر من ذلك قررت رفع دعوى طلاق لتحافظ على حياة أولادها بعدما ضرب ابنها الصغير الذي لا يتخطى الأربع سنوات بعصا المقشة.
كان الأهل يتدخل لحل المشكلات وتراجع الزوجة عن قرارها وكانت الأمور تنجح في كل مرة، ولكن عندما تمادى الزوج كان الطلاق هو الحل الوحيد لإنقاذ حياتها هي والأولاد.
"مربي للعيال الرعب بطريقته وأسلوبه الهمجي وبقى معيشهم في رعب، كل حاجة يعملوه يضربهم لحد ما كرهوه"، بدأت سهى تروي معاناتها بهذه الكلمات مؤكدة على اعتماده أسلوبه الهمجي معها من بداية الزواج.
بغضب عند أهلي من أول شهر في الجواز
استرجعت الزوجة حياتها معه في بداية الزواج قائلة: "من أول يوم وهو معامله زي الزفت معايا دا غير ضربه ليا اللي عمال على بطال بسبب ومن غير سبب، من أول شهر في الجواز وفي مشاكل وبغضب عند ألي كتير وكنت ببقى عايزه اتطلق في كل مر بس أمي كانت بتقول لي استحملي كل الستات بتتضرب"، تابعت: "فضلت كدا وهو مبيبطلش ضرب فيا وكنت بصبر وبستحمل زي ما امي بتقول لي، وكنت بقول أكيد هيتغير لما نخلف، بس كل المشاكل زاد من ساعة ما خلفنا".
توقعت سهى أن معاملته للأولاد تكون مختلفة عنها وأنه يكون رقيق القلب معهم لكنه حطم كل توقعاتها وازداد في أسلوبه الهمجي وتحولت المشكلات من ضربها لضرب الأولاد، لم تحتمل الزوجة ان ترى أولادها كل يوم هو يضربهم، تغاضت مرة واثنين عن ضربهم على أمل ان معاملته معهم تتحسن ولكنها مخطئة وأدركت أن الحل الوحيد هو الطلاق لتنقذ أولادها من الحياة المهينة الذي يعيشونها.
كسر المقشة على الواد
أضافت الزوجة: "بقى مربي للعيال الرعب بسبب ضربه ليهم، وكل مشاكلنا دلوقتي بقت بسبب أسلوبه مع العيال، في الأول كنت بستحمل عشان البيت ميتخربش، بس دلوقتي مبقتش قادرة استحمل اشوفه وهو بيضرب العيال كل يوم قدامي وأنا ساكته كدا".
أنهت الزوجة قصتها: "لما بقيت بتخانق عشان العيال، أمي بقت بتقول لي عادي ابوههم ويضربهم براحته بس ضربه جامد أوي على العيال وبيصعبوا علي، أخر مرة دي لما ضرب ابني الصغير اللي مكملش اربع سنين بالمقشة وكسرها عليه من كتر ما هو بيضربه بكل قوته حسيت الواد هيموت في إيده"، في هذا اليوم كانت الزوجة أصدرت قرار حاسم برفع دعوى طلاق لتنقذ حياة أولادها قبل حياتها.
تابع أحدث الأخبار عبر
