«بتتلكك من أول الجواز».. أميرة في دعوى طلاق: "أمه زعلانة عشان مجبتلهاش عربية"
واقع مرير واجهته أميرة بعد وفاة والدها بسبب زوجها الذي استغل وفاة والدها وبدأ يتعامل معها بالطريقة التي تحلو له وهو متأكد أنه لا يوجد شخص يقف ضده، مشكلات كثيرة واجهتها الزوجة مع الزوج ووالدته، في البداية كان الاب يحل الأمور ولكن الآن االوضع يزداد سوءً ولا تجد من يقف بجانبها لأن والدتها وشقيقها ضد فكرة الطلاق لذلك كانوا يجبرونها على العيش معه رغم معاملته القاسية وضربه لها.
بابا هو اللي كان بيجيب لي حقي منه
شعرت أنها وحيدة بعد وفاة والدها وعلى الرغم من أنها توسلت لوةالدتها أكثر من مرة وأنها تريد الطلاق رفضت في كل مرة ما جعلها تلجأ لدعوى طلاق وتتحمل نتيجة قرارها.
"مبقتش عارفة أعيش معاه هو وأمه خلاص جبت أخري بسببهم هما الاتنين، عديت كتير بس تلكيكات أمه الللي مبتخلصش دي ومبقتش قادرة استحملها خلاص"، هذه الكلمات الاولى التي قررت أميرة أن تفتتح بها حديثها مع القاضي التي لجأت إليه بعدما خذلتها والدتها وشقيقها.
تابعت: "مكملناش كام شهر كويسين والدنيا ماشية تمام وأمه بدأت تتدخل ومن ساعتها وحياتنا باظت وبدأ يحصل مشاكل كتير بسببها، بس كنت بعدي وأوقات لما كان الموضوع بيكبر مننا وأهلي يعرفوا كان بابا بيوقفه عند حده".
أضافت الزوجة: "مكنش بيتعدل غير لما بابا بيكلمه بس بعد ما بابا توفى وهو مبقاش همه حد عشان عارف إن ماما وأخويا مش موافقين على فكرة الطلاق دي خالص فكان بيستهبل بقا كتير من ناحية الضرب والشتيمة وقلة الأدب طول النهار".
أمه زعلانة عشان مجبتلهاش عربية هدية
مشادات مستمرة بين الزوجة وحماتها، حاولت أكثر من مرة أن تصلح الأمور بينهم خوفًا على حياتها ولكن والدة الزوج كانت تتحجج طوال الوقت لزوجة الابن ما أدى لزيادة الخلافات بينهما.
أضافت أميرة: “أمه بتسخنه علي طول الوقت وكل الخناقات بسبب أمه، ولما كانت بتتخانق معايا كنت بمشي الدنيا ومبكبرش المواضيع بس في كل خناقة بتقعد تعايرني إني مجبتلهاش عربية هدية”.
أكملت الزوجة حديثها: "احنا عيلة على قدنا وأنا اللي كنت بساعد بابا في جهازي، وربنا يعلم جيبالها حاجات كتير أوي مع جهازي ومن ضمن الحاجات بوتاجاز، بس هما في عيلتهم بيهادوا بعض بعربيات بس احنا عيلة على قدها، في الأول كنت مستغربة معاملتها بس عرفت موضوع العربية هو اللي مضايقها مني عشان بتسخنه على طول الوقت".
اختتمت: "لما الخناقات زادت روحت عند أخلي وقلت لأمي إني عايزه اتطلق بس قالت لي احنا معندناش بنات تتطلق ولازم تعيشي، مقدرتش استحمل ورفعت قضية طلاق"، ولاتزال الدعوى منظورة في المحكمة حتى الآن.
تابع أحدث الأخبار عبر
