سمر: ضربني بالجزمة على دماغي عشان بسأله كيس الحشيش دا بتاع مين
تزوجت "سمر" من رجل مثال للزوج الصالح الذي تتمناه أي فتاة، توقعت أن عش الزوجية يكون قفص ذهبي يحاوطه السعادة من كل الجوانب، ولكن لم تستمر السعادة سوى أشهر قليلة، جاء بعدها كل الحزن الذي سكن المنزل بسبب أسلوب الزوج، الذي تحول مرة واحدة بدون مبرر، كانت دعوى الطلاق هى الوسيلة التي تتخلص بها سمر من حياتها التي انقلبت رأسًا على عقب.
"في أول الجواز كانت الدنيا تمام بينا وبيعاملني أحسن معاملة، فجأة اتغير معايا من غير سبب وأنا مش فاهمة"، بهذه العبارة بدأت بها سمر رواياتها مؤكدة على معاملته الجيدة لها في بداية الزواج، ولكنها لا تعرف ما سبب التغير الغريب.
استرجعت الزوجة حياتهما خلال فترة الخطوبة قائلة: "كان طيب وحنين معايا وكان بيخاف على زعلي من أي حاجة وكل اللي أنا عايزاه كان بيجيبهولي على طول، مكنش يعرف حاجة عن السهر والمخدرات والحاجات دي".
أضافت: "أول الجواز كان كويس معايا برضو بس يدوب كام شهر ولقيت معاملته معايا اتغيرت وهو بقى غريب وعلى طول عصبي ومكنش كدا قبل الجواز خالص، بس من ساعة ما اتلم على شلته اللي هو معاهم دلوقتي وهواتغير وبقى واحد تاني خالص".
حياتنا اتشقلبت من ساعة ما اتلم على أصحاب السوء
لجأ الزوج للسهر خارج المنزل المبالغ فيه والتقرب من أصدقاء السوء، التي أكدت الزوجة أنهم السبب في تغير حياتهما، تابعت: "حياتنا اتشقلبت من ساعة ما اتم على شلة بوظته، بقى على طول عايز يبقى برا ومش عايز يقعد في البيت، وكل ما أكلمه يتعصب علي وأوقات كتير بقى يضربني وهو مكنش كدا خالص في الخطوبة".
أضافت سمر: "حصل مشاكل كتير بسبب طريقته اللي أنا مش فاهماها دي، وغضبت عند أهلي كتير، وهو كلمة يقول لي خلاص هبطل الأسلوب دا، بس كل مرة كان بيزيد في ضربه ليا".
ضربني بالجزمة عشان لقيت كيس حشيش
تابعت الزوجة قصتها قائلة: "ضربني مرة واتنين وعديتها عشان مكبرش الموضوع، بس لقيت الموضوع زاد، وأنا كل دا مش فاهمة ايه اللي غيره، في يوم وأنا بروق الشقة لقيت كيس حشيش، وبسأله دا بتاع مين قال لي ملكيش دعوة، وجاب الجزمة وقعد يضربني بيها على دماغي"، كانت هذه المرة سبب مجيئها لمحكمة الأسرة بالزنانيري، ورفع دعوى طلاق لتمنع الإهانة التي تعرضت لها من قبل زوجها.
تابع أحدث الأخبار عبر
