أمه محرضاه.. أسماء في دعوى نفقة: ميعرفش حاجة عن ابنه
دعوى نفقة لجأت إليها "أسماء" بعدما حاولت بكل الطرق أن تأخذ مصروفات لابنها الرضيع ولكن زوجها مصر على رفض الإنفاق عليه وكان هذا هو سبب الانفصال، فظنت أنه سيتغير بعد الطلاق ولكنه زاد في إصراره على عدم الإنفاق ما جعلها تلجأ لمحكمة الأسرة وترفع دعوى نفقة.
"باخد منه الجنيه بالعافية" هكذا بدأت أسماء حديثها وهي تروي سبب انفصالها من زجها الذي كان لا يريد الإنفاق على بيته ما أدى لنشوب الخلافات والمشكلات باستمرار، وكانت والدة الزوج السبب في زيادة الخلافات بسبب تحريضه عليه.
تابعت: "في الخطوبة مكنش بخيل خالص وكل اللي أنا عايزاه بيعمله على طول بس من ساعة ما اتجوزنا أنا معرفش هو اتغير معايا ليه، بقينا نتخانق كتير أوي بسبب المصاريف وإنه مش راضي يصرف".
من أول الجواز بطلع منه الجنيه بالعافية
مشكلات وخلافات مستمرة من بداية الزواج عاشتها أسماء فكانت تحاول إيجاد حلول للمحافظة على بيتها ولكن بخله كان يزداد يوم بعد يوم ما دفعها تطلب الانفصال بعدما أدركت أنه لا يوجد أي تغيير، أضافت: "كل شوية خناقات بسبب المصروف لحد ما زهقت وطلبت منه الطلاق، بس هو كل مرة يقولي خلاص هصرف بس مفيش حاجة بتتغير".
الطلاق أثناء حمل الزوجة
بعد عدد من المشكلات المستمرة تم الطلاق أثناء حمل الزوجة في الشهر السادس وكانت تظن أنه سيراعي الله في مولوده، أضافت أسماء: "لما المشكلات زادت طلبت الطلاق واتطلقنا خلاص وأنا كنت حامل في الشهر السادس، وكنت فاكرة لما اخلف هيصرف على ابنه، بس من ساعة ما خلفت وهو ميعرفش عنه أي حاجة".
أمه اللي مخلياه ميصرفش على ابنه
استكملت: "خلفت وعدى شهر واتنين وهو ميعرفش حاجة خالص عن ابنه، لما جيت أطلب منه مصاريف لابنه قالي أنا مليش دعوة اصرفي انتي، انت اللي طلبتي الطلاق".
اختتمت الزوجة: "أمه هي اللي محرضاه عليا ومخلياه ميصرفش على ابنه، زهقت من كتر ما بطلب منه مصاريف، رفعت قضية نفقة بقالي شهرين"، ولا تزال القضية منظورة في المحكمة حتى الآن.
تابع أحدث الأخبار عبر
