إسراء في دعوى نفقة: "سنة ونص عند أهلي.. وبيتحجج عايز يطلقني وأنا مش راضية"
قصة حب كبيرة دامت لـ 6 سنوات أدت للزواج في نهاية المطاف ولكن انقلبت قصة الحب لمشادات مستمرة بين الزوجان من الشهور الأولى في الزواج بسبب حجج الزوج على الصغيرة والكبيرة في كل أفعال الزوجة وكان وراء كل هذه الحجج رغبة الزوج في الطلاق منها ولكن الزوجة لها رأي أخر ولا ترى أي سبب حقيقي وراء رغبته في الانفصال.
حجج فارغة من قبل الزوج
أربع سنين يتحجج الزوجة لها على أسباب تافهة وكل هذا من أجل انه يريد الانفصال، حاولت الزوجة مرات عديدة أن تنزع هذه الفكرة من باله من أجل الحفاظ على عش الزوجية لأطول فترة ممكنه وأنها لا ترى أي سبب مقنع وراء رغبته في الانفصال، تابعت: "متجوزين عن قصة حب قبل الجواز قعدت 6 سنين وكانت كل حاجة بينا تمام وفي تفاهم بينا على أي حاجة، بس من بعد ما اتجوزنا وهو بقى واحد تاني وعلى طول مش عاجبه كل حاجة".
أضافت: "حاولت اعرف غيه أسبابه بس مبلاقيش ليه أي أسباب خالص وكلها حاجات تافه، وبقا شوية يقول لي انتي بتهتمي بالعيال أكتر مني، وشوية مبقاش في تفاهم بينا".
أخر خناقة قالي إنه عايز يطلقني
زادت الخلافات والمشادات بين الزوجان بسبب الحجج الفارغة والغير منطقية للزوج، ما أدى لترك الزوجة المنزل عدة مرات وتدخل الأهل لتهدئة الأوضاع، أكملت إسراء قصتها قائلة: "بقينا بنتخانق كتير على الحجج الفارغة اللي كل شوية بيطلعهالي دي وسبت البيت كتير وأهلي اتدخلوا عشان يحلوا الموضوع، وفي مرة كنت غضبانة عند أهلي ولقيته جالي وقال لي أنا عايزة اطلقك، وأنا قلت له أنا مش عايزة اتطلق وحابة إننا نكمل، وأي مشاكل تتحل".
حاولت الزوجة كثيرًا أن تصلح الأمور وتنزع فكرة الطلاق والانفصال من خاطره ولكنه كان مصمم على قراره بالانفصال وعلى الجانب الاخر الزوجة تريد استمرار زواجهما م أجل طفلتها وأكدت أنها تحاول إقناعه منذ سنة ونصف وخلال هذه الفترة يرفض الزوج إنفاق مليمًا على ابنته من أجل الضغط عليها وموافقتها بالطلاق.
أنهت الزوجة حديثها: "قاعدة عند أهلي بقالي سنة ونص وكل شوية يقول لي أنا عايز أطلقك وأنا أقوله أنا مش موافقة، وطول الفترة مش راضي يبعت أي فلوس لبنته عند معايا عشان أوافق إنه يطلقني، ولما لقيته مصمم جيت رفعت قضية نفقة بقالي شهر".
تابع أحدث الأخبار عبر
