عزة في دعوى طلاق: مشوفتش معاه يوم عدل والعيال بيترعبوا منه
دعوى طلاق لجأت إليها «عزة» بعد 10 سنوات من الإهانة والضرب المستمر لها هي والأولاد، في بداية الزواج كانت تحاول التأقلم معه والصبر من أجل الأولاد ولكنه ازداد في السنوات الأخيرة في ضرب وترهيب الأولاد وأصبحوا يخافون منه ما دفع الزوجة لرفع دعوى طلاق عليه.
استهلت «عزة» سرد قصتها الحزينة لقاضي الأسرة عن سنوات الظلم والعذاب مع زوجها الذي كانت قسوته تزداد يوما عن الأخر، «عيالي بقوا بيخافوا منه من كتر ضربه ليهم».. وأضافت: «من أول الجواز وهو معاملته زي الزفت معيا وكنت بقول مش مشكلة لسه في الأول بس بيزيد فيها ومبقاش عاملي أي احترام قدام أي حد من عيلته».
تابعت: اتخانقنا كتير بسبب معاملته دي بس كل مرة أهلي بيقولوا لي معلش استحملي وفضلت على كدا سنين كتير وأنا برجع عشان مخربش البيت بس أخر سنتين وهو مزودها أوي في الشتايم وضربه ليا أنا والعيال.
من أول الجواز وأنا مستحملة قرفه
صبرت الزوجة وتحملت إهانات كثيرة حفاظًا على عش الزوجية من الخراب ولكن زاد الزوج في أخر السنوات في إهانة وضرب الزوجة والأولاد بطريقة جعلت الأولاد يخافون من الأب بمجرد تواجده في المنزل ما دفع الزوجة تفكر في الانفصال وتلجأ لرفع دعوى طلاق.
تابعت عزة: "في كل مرة كنت ببقى عايزة اتطلق بسبب أسلوبه بس كنت برجع وبقول استحمل شوية عشان خاطر العيال بس حتى العيال بقى يضربهم على أي حاجة بيعملوها".
دعوى طلاق لجأت إليها الزوجة بعد معاناتها
أكملت: " في الأول لما كنا بنتخانق كان بيضربني أنا وكنت بستحمل عشان خاطر العيال بس لما لقيت ضربه وإهانته وصل لولادي مبقتش قادرة استحمل عيالي وهما بيعيطوا كل يوم بسبب".
قررت عزة الانفصال بعد ما لاحظت الخوف على أولادها بسبب أسلوبه المهين لهم وضربهم طوال الوقت ما دفعها تلجأ لمحكمة الأسرة ورفع دعوى طلاق منذ 3 شهور، ولا تزال القضية منظورة في المحكمة حتى الآن.
