سعاد في دعوى نفقة: « مجوعني أنا والعيال وسايبنا من غير أكل ومصاريف»
زوجات كثيرة تصبر على نصيبها وقدرها في الزواج لسنوات طويلة حتى لو كان الزوج لا يريد الإنفاق على المنزل ، ولكن حينما يتعلق الأمر بالأبناء هنا تلغي الأم نفسها وتضع الأولوية لهم، مثلما فعلت سعاد عندما لجأت لرفع دعوى نفقة على زوجها بسبب رفضه الإنفاق على أولاده الذين يتضوروا جوعًا.
رفض الزوج الإنفاق
"بدأت سعاد تسرد قصتها للقاضي وسبب مجيئها لـ محكمة الأسرة وإصرارها لرفع دعوى نفقة على زوجها بسبب أنه لا يريد الإنفاق على أولاده ، مضيفة أنها حاولت لسنوات طويلة معه لعلها تغيره ولكن للأسف يتغير للأسوأ ما جعلها تلجأ لمحكمة الاسرة بعد فشل كل محاولاتها في لإصلاح الوضع، تابعت: "من أول الجواز وهو بيسيب لي فلوس قليلة جدًا وكل ما أجي أقوله سيب لي فلوس زيادة يقول لي هو دا اللي معايا وظروف الشغل مش مساعداني"
أضافت الزوجة: "كنت بستحمل وبقول عادي كل الناس عندها ظروف بس مكنتش أعرف إن الظروف هتطول أوي كدا، بقا متعود إنه يسيب لي فلوس قليلة جدًا حتى لما خلفنا برضو زي ما هو مكنش بيزود على الفلوس اللي بيدهالي، وكل لما أقوله عايزة فلوس للعيال يقول لي وأنا أعملهم إيه يعني"
مجوعني أنا والعيال
حاولت الزوجة التأقلم مع زوجها ، لكنه ازداد في بخله على الأولاد ما جعلها تفكر في الانفصال إكرامًا لها ولهم، مضيفة : "كان لما بيديني فلوس قليلة كنت بحاول أمشي الدنيا بيهم وأمي أوقات كتير بتجيب لي أكل أنا والعيال عشان بتبقى عارفة إنه سايبنا من غير أكل والمصاريف اللي بيسيبهالنا مش بتكفي نجيب أي غدا ليا أنا والعيال".
لجأت الزوجة لدعوى نفقة من أجل أولادها
تابعت سعاد حديثها والحزن يملأ وجهها على أولادها: "أوقات كتير بنقعد طول اليوم من غير أكل أنا والعيال، لو عليا أنا هستحمل عادي بس العيال صعبانين عليا إني مش عارفة أجيب لهم أكل زي بقية الناس، ومش عارفة أجيب لهم أي حاجة نفسهم فيها"
أكملت: "مقدرتش استحمل اشوف العيال كل يوم وهما جعانين واقف ساكتة، خدت العيال ورحت عند أهلي ورفعت عليه قضية نفقة يمكن يحترم نفسه ويصرف على العيال اللي مجوعهم"، ولا تزال القضية منظورة في المحكمة حتى الآن.
تابع أحدث الأخبار عبر
