نادية في دعوى طلاق: «جري ورايا سنين وفي الآخر طلعت الزوجة التانية»
جلست نادية على أعتاب محكمة الأسرة والحزن يعتريها بسبب خيانة زوجها وزواجه عليه منذ سنتين دون عملها، على الرغم من حبه الشديد لها في بداية الزواج وطوال فترة الخطوبة وهذا السبب هو الذي جعلها تقع في حبه دون تفكير فظنت أنها تعيش قصة حب أبدية ولكنها انتهت بها في محكمة الأسرة وهي ترفع دعوى طلاق عليه بعد 4 سنوات فقط من الزواج.
"متجوز عليا بقاله سنتين وأن" استهلت نادية قصتها بهذه الكلمات مؤكدة على حبه الشديد لها من قبل الزواج ومعاملته المثالية الذي دامت في السنوات الأولى من الزواج.
أضافت في دعوى طلاق: "هو كان جارنا وشافني في الشارع كذا مرة وعجبته وجه أتقدم لي في الأول أهلي موافقوش عشان كانوا شايفينه مش مناسب ليا وأنا استاهل حد أحسن من كدا وهو مزهقش عشان كان بيحبني أتقدم لي كتير".
تابعت الزوجة: "اتكلمت مع أهلي وقلت لهم إني موافقة عليه وعايزة اتجوزه واقنعتهم واتخطبنا فعلًا وقعدنا سنتين في الخطوبة وبعد كدا اتجوزنا، وأول كام سنة وهو شايلني من على الأرض وبيعمل لي كل اللي أنا عايزاه".
بداية تحول الزوج بعد 4 سنوات من الزواج
لم تستمر حياتهما السعيدة في عش الزوجية المستقر لأكثر من 4 سنوات فقط، وتحول كل شيء وتحولت السعادة لتعاسة بسبب تصرفات الزوجية الغير مفهومة، تابعت نادية: "أول 4 سنين كان كويس معايا وكل حاجة تمام وكنت بحمد ربنا إنه رزقني بحد زيه، بس بعد كدا لقيته اتغير معايا ومعاملته معايا مش زي الأول وأنا مش فاهمة إيه السبب".
أكملت حديثها: "بقا يتخانق معايا كتير عشان مش قابل مني كلمة وبقا يتلكك على كل حاجة بقولها وبعملها، زهقت وسبت له البيت كتير بس أخر مرة وأنا عند أهلي حد كلمني في التليفون وقالي جوزك اتجوز عليكي قلت مش هصدق الكلام دا".
متجوز عليا بقاله سنتين وأنا معرفش
كذبت الزوجة كل الأحاديث التي سمعتها عن خيانة زوجها لها وزواجه عليها ولكن بدأت الشكوك والظنون تحاوطها بسبب تغير معاملة الزوج المستمرة لها، في النهاية أصبحت الشكوك حقيقة بعد ما تأكدت من خبر زواجه، تابعت الزوجة: "مصدقتش طبعًا الكلام اللي سمعته بس اللي خلاني اشك معاملته معايا اللي اتغيرت وبقا واحد تاني خالص معايا، بدأت بقا اشك إن ممكن يكون في حد في حياته بجد".
أضافت: "مسكت الموبايل ولقيت عليه كل البلاوي وكل صورهم والشاتات اللي بينهم وعرفت إنهم متجوزين بقالهم سنتين، مكنتش اصدق إنه ممكن يعمل فيا كدا بسبب حبه ليا بس خلاص قررت امشي في ساعتها واتطلق"، توجهت نادية لمحكمة الأسرة بالجيزة ورفع دعوى طلاق، ولا تزال القضية منظورة في المحكمة حتى الآن.
تابع أحدث الأخبار عبر
