سهر في دعوى خلع: "إخوات جوزي بعتولي بلطجية عشان ياخدوا ابني"
أضحت الحياة الزوجية مشاعًا لأهل الزوج، ما أدى لانزعاج الزوجة ونشوب مشكلات وخلافات كثيرة بينهما، طلبت الطلاق لكن أهل زوجها كان لهم رأيًا آخر في هذه القصة، فعندما علموا أنها تريد الانفصال قاموا بـالاعتداء عليها، رغبة في أخذ وحيدها رغمًا عنها، ما جعلها تسرع لرفع دعوى خلع بسبب الخوف عليه من تهديدهم المتكرر والاعتداء عليها بعدما عرفوا نيتها بالانفصال.
سهر في دعوى خلع: "إخوات جوزي بعتولي بلطجية عشان ياخدوا ابني"
"إخواته بلطجية" هذه العبارة الأولى في حكاية سهر التي بدأت بها حديثها للقاضي مؤكدة على دمار عش الزوجية بمجرد تدخل أهل لزوج بينهم ما أدي لتصاعد المشكلات بينهم، أضافت: "جوزي كويس معايا من أول الجواز وكل المشاكل اللي كانت بتحصل كانت بتبقى بسبب اخواته اللي بوظوا حياتي من ساعة ما اتجوزت وما حاطيني في دماغه".
تابعت: "اتخانقت معاهم كتير من أول الجواز عشان هما مش طايقيني أصلًا مش فاهمة ليه مع إني معملتش حاجة وحشة فيهم، سبت البيت كتير وجوزي كل مرة يقول لي مش هخليهم يتدخلوا، بس برضو مفيش حاجة بتتغير وبرضوا هما اللي متحكمين في كل حاجة تقريبًا".
تحكم أهل الزوج في كل شيء
حاولت الزوجة التأقلم على الوضع ولكنها قررت الانفصال عندما تمادى الأمر وأصبح أهل الزوج لهم الأولوية في كل شيء، فظنت الزوجة أنها عندما تقرر الانفصال أن الأوضاع تهدأ ولكن للأسف الأوضاع ازدادت سوءً ووصل الأمر لتهديد الزوجة وأدي لزيادة الصراعات بينهم ما جعل الزوجة تسرع في قرارها وتلجأ لرفع دعوى خلع.
أضافت الزوجة: "مقدرتش استحمل كل تحكماتهم في كل حاجة بينا وسبت البيت ومشيت وطلبت منه الطلاق بس هو رفض واخواته جم عند أهلي البيت وضربوني لما عرفوا إني عايزة اتطلق".
بعتولي بلطجية عشان ياخدوا ابني
تابعت: "عرف إن اخواته جم ضربوني ومعملوش حاجة، وحاولوا يرجعوني البيت بالعافية عشان مش عايزيني اتطلق وامشي بعيد عنهم أنا وابني، ولما عرفوا إني هرفع قضية طلاق بعتوا لي بلطجية عشان يضربوني ويأخدوا ابني مني بالعافية بس الحمدلله ربنا ستر ومعرفوش ياخدوه مني"
اختتمت سهر حديثها: "لما ضربوني وبعتوا لي ناس تضربني خوفت على ابني وإنهم ممكن يعملوا فيه حاجة، بعد ما كنت هبعت قضية طلاق رفعت دعوى خلع عشان تخلص أسرع وأخد ابني وأمشي عن العيلة البلطجية دي"، ولا تزال القضية منظورة في المحكمة حتى الآن.
تابع أحدث الأخبار عبر
