مكافأة نهاية الخدمة.. رحاب: داخل علي بضرة بعد ما عمري ضاع معاه
سنوات طويلة من المعاملة الجافة والإهانة التي كانت تتعرض لها الزوجة يوميًا من قبل زوجها طوال سنوات الزواج، فكلما كانت تأتي فكرة الانفصال في خاطرها كانت تضع أولادها أمامها وتنتزع هذه الفكرة من أجلهم وعدم حرمانهم من إحساس الأب، فظنت أن زوجها يقدر مساندتها له في كل المواقف بينهما ولكن في الحقيقة صدمها بزواج ثان، ما دفعها تلجأ لرفع دعوى خلع التخلص من حياتها التعيسة طوال هذه السنوات.
"دخل عليا بضرة" بهذه الكلمات المؤسفة بدأت رحاب تروي صدمتها في زوجها الذي عاشرته 18 عاما كاملة وكانت مكافأتها في النهاية هي الزواج من أخرى وإجبار الزوج على الاستمرار في الزواج بدون رغبتها، أضافت: «في الخطوبة كان كويس معايا في المعاملة وكانت كل حاجة تمام، كنت فاكرة هيبقى نفس المعاملة بعد الجواز بس أول ما اتجوزنا لقيت معاملة تانية خالص».
أضافت: «بقت كل معاملته معايا شتيمة وقلة أدب وعلى طول عصبي وكل ما أكلمه يسيبني ويمشي ولا كأني بتكلم، ولا عمره قالي كلمة حلوة ولا حسسني إنه حنين علي في مرة».
دخل عليا وضرتي في إيده
معاملة الزوج الجاف جعلتها تفكر في الانفصال عدة مرات ولكن في كل مرة كانت تضع أبناءها أولوية أمامها ما يجعلها تتراجع عن قرارها وتستمر في حياتها التعيسة رغمًا عنها فكانت تظن أنها تنال تقدير زوجها في النهاية ولكنه صدمها بدخوله عليها بزوجة أخرى واجبرها على العيش معها.
أضافت: «كتير كنت بقرر إني خلاص هتطلق بس كان بيصعب عليا العيال إني هحرمهم من أبوهم، فكنت برجع عن قراري وأكمل عادي تاني، وكنت فاكرة هيعمل حسب العشرة وإن أنا صابرة معاه بقالي 18 سنة على المرة قبل الحلوة».
أكملت الزوجة: «كنت فاكراه هيقّدر كل السنين اللي بينا بس في يوم لقيته داخل علي بواحدة في إيده وبسأله دي مين قالي مراتي، فضلت واقفة مكاني مش عارفة أعمل إيه ومكنتش مصدقة نفسي وطلبت منه الطلاق بس هو قالي أنا مش هطلق وإنت هتعيشي معايا غصب عنك».
دعوى خلع بعد إستحالة العيش معه
تابعت: «أهلي لما عرفوا إني عايزة اتطلق قالوا لي ملهاش لازمة تتطلقي عيشي وخلاص عشان عيالك، ومينفعش تتطلقي بعد السنين دي كلها، سمعت كلامهم وقلت يمكن يعاملني حلو زيها، بس لقيت معاملته بقت زي الزفت أكتر من الأول».
انهت رحاب حديثها: «لما لقيت معاملته معاي بقت أوحش من الأول مقدرتش استحمل خلاص وقلت كدا كدا مش فارقة، وسبت البيت ومشيت وقررت ارفع قضية خلع عليه بقالي شهرين طالما هو مش راضي يطلقني ويسيبني في حالي، ولسة مستنية الحكم».
تابع أحدث الأخبار عبر
