«قلب ولدي عليا حجر».. سامية في دعوى نفقة: "استلفنا عشانهم ودلوقتي ميعرفناش"
ليست الزوجات فقط من يلجئن لرفع دعوى نفقة على أزواجهن، إنما الأمهات أيضا، أصبحت محكمة الأسرة ملاذهن بعدما أصبح الأبناء قساة القلب ولا يراعون أهاليهم، بعدما يدور الزمن ويصبحون بحاجة إليهم، فيتركونهم دون طعام أو سؤال.
سامية في دعوى نفقة: "استلفنا عشانهم ودلوقتي ميعرفناش"
"قلبي على ولدي انفطر وقلب ولدي عليا حجر" هذه العبارة توصف حال الكثير من الأهل الذين يفعلون كل ما بوسعهم من أجل أولادهم مهما كان يكلفهم من مشقة وتعب، لكن للأسف يوجد أبناء كثيرون لا يقدرون كل ما يفعله الأهل من أجلهم ويمتلئ قلبهم قسوة عليهم.
بدأت سامية حديثها والحسرة تملأ قلبها على أولادها الذين لا يريدون الإنفاق عليها فكانت "مش راضيين يجيبوا لي أكل" الكلمات الأولى التي بدأت بها، مستكملة حديثها: "جوزي طول عمره حنين عليا وعلى العيال وعمره ما بخل علينا بأي حاجة دايما كان بيجبلهم احسن لبس واحسن أكل وأي حاجة نفسهم فيها كان بيشتغل ليل ونهار عشان يجيبهالهم".
أضافت: "لما كان بيبقى في ظروف والدنيا مش متظبطة معانا في الفلوس، كنا بيستلف مخصوص عشان ميخليش عيل منهم محتاج حاجة والحمدلله كنا مبسوطين والحياة كانت تمام".
قسوة الأبناء
مرت الأيام والسنين وتبدل الحال وأصبح من المفترض أن الأبناء هم اول من يقفون بجانب الأهل حينما يدور الزمن ويصبحون غير قادرين على جلب مصروف يومهم، ولكن بعض الأبناء تتنزع من قلوبهم الرحمة، تابعت سامية: "ولادي التلاتة كبروا وأبوهم ساعدهم في كل مصاريف الجواز، استلف كتير وبقا مديون عشان يجوزهم وأول ما اتجوزوا كل واحد شاف طريقه ومبقاش حد فيهم بيجي يزورنا حتى".
أكملت «سامية» والدموع تملأ عينيها: "جوزي كبر ومبقاش بيشتغل والحالة بقت وحشة أوي معانا ونقلنا من الشقة اللي كنا فيها وروحنا أوضة عشان مش عارفين ندفع إيجار الشقة، مبقاش معانا فلوس نجيب أي أكل، ولما كلمت ابني الكبير عشان أقوله يجي يشوفنا قالي أجبلكوا منين".
دعوى نفقة لجأت إليها الأم
اختتمت سامية: “مبقناش عارفين نجيب لما أكل ولا عارفين نعيش عشان مش معانا أي فلوس وكل لما أكلم أي حد من ولادي يقولوا لي مش معانا فلوس ملناش دعوة، ناس كتير قالت لي ارفع قضية نفقة في الأول كنت بقول لا معملش كدا في ولادي بس لما لقيت محدش فيهم سأل فينا رفعت القضية”.
توجهت سامية لمحكمة الأسرة بالجيزة لرفع دعوى نفقة على أولادها الذين تمتلأ قلوبهم بالقسوة بعد ما فقدت الأمل في أن يساعدها أي ابن منهم.
تابع أحدث الأخبار عبر
