فكرته العوض| أسماء في دعوى خلع: ضربني بالكزلك وكنت هموت في إيده
جلست سيدة في أوائل الثلاثينات وعلى وجهها خيبة الأمل من زوجها الذي ظنته العوض عن جوازتها الأولى بسبب معاملته المثالية لها طوال فترة الخطوبة ما جعلها تقع في حبه وتصمم على إتمام الزواج، ولكنها مخطئة بعد ما اكتشفت حقيقته في الشهور الأولى من الزواج وإدمانه لمفرط للمخدرات ما جعله فاقد الوعى أغلب الأوقات ويضربها بآلات حادة ما دفعها ترفع دعوى خلع للتخلص من هذا الوحش والنجاة بحياتها.
"كنت فاكره ربنا هيعوضني" بهذه الكلمات بدأت أسماء تروي قصتها، مضيفة إنها كانت تظن أنها تصلح حال زوجها بسبب إدمانه للمخدرات، أضافت: "اتطلقت من جوزي الأولاني بقالي سنة واتقدم لي عماد جارنا وأهلي مكنوش موافقين عليه بس أنا صممت اتخطب له وحبيته جدَا في الخطوبة".
تابعت: "اتخطبنا سنة وأنا حبيته مع لإن كل الناس حذرتني منه عشن كان بيشرب مخدرات بس هو كان كويس معايا فقولت مش هسمع كلامي حد واتخطبنا واتجوزنا وأهلي بروم كنوش موافقين على الجوازة عشان كانوا شايفينه إن مش كويس بس أنا كنت شايفة غير كدا".
صدمة الزوجة
بدأ الزوج يتغير في المعاملة ويتحول لشخص أخر بعد الزواج ولكن الزوجة كانت تتغاضي لانها تحبه ما جعلها تتحمل وتصبر من أجل حبها، أضافت: "كان كويس معايا طول فترة الخطوبة بس من أول الجواز بدأ يتغير معايا وبقا عصبي على طول بس كنت بقول مش مهم وبعدى عشان مخربش البيت"، تابعت: "في الخطوبة كان مفهمني إنه بيشرب مخدرات تفاريحي، بس بعد الجواز بقا يشرب مخدرات طول اليوم في البيت ولما كنت بكلمه عشان يبطل كان وبقا يمد إيده عليا كل ما نتخانق ويضربني بأي حاجة جمبه، سبت له البيت وروحت عند أهلي وكل مرة أهلي كانوا بيرجعوني".
أكملت: "كنت فاكره لما الأهل تتدخل هيسمع الكلام ويحترم نفسه بس لقيته بيزيد في الضرب ليا، في مرة كنا بنتخانق ولقيته جايب كزلك وبيضربني بيه وكنت هموت في إيده لولا إن الجيران سمعت صريخي وجت سلكتني من إيده من ساعتها وأنا قررت إني مش راجعه له تاني".
قررت الزوجة الانفصال الحتمي ما دفعها تلجأ للقضاء وترفع دعوى خلع منذ 3 شهور، ولا تزال القضية منظورة في المحكمة حتى الآن.
تابع أحدث الأخبار عبر
