دنيا في دعوى طلاق للضرر: «ضرب أبويا ورفع السلاح على أخويا»

 وقفت سيدة في أوائل العشرينات على أعتاب المحكمة وهي تحمل صغيرها الذي لا يتخطى الثلاث سنوات وتحمل معه أحزانها التى لازمتها طوال الأربع سنوات بسبب أفعال زوجها التي تزداد سوء على مدار فترة الزواج ولم تجد محاولات الزوجة نفعًا. 

أقرأ أيضًا: داليا للقاضي: بعد ما استحملته 20 سنة بيشك فيا ويتهمني إني بكلم رجالة

المخدرات دمرت البيت

«حماتي بوظت جوزي» هكذا بدأت دنيا حديثها مضيفة أن معاملة الزوج السيئة لها منذ أن بدأ يتجه لطريق المخدرات، تابعت: «كان كويس معايا في أول سنة في الجواز ومشوفتش منه حاجة وحشة بس حاله اتشقلب من ساعة أمه خليته يشتغل سواق على التوك توك ويسيب الشركة اللي كان شغال فيها عشان بيجيب مصاريف أكتر وبيديها فلوس».

أكملت: «بدأ يشرب مخدرات لما اتعرف على ناس مش كويسة ومعاملته معايا اتغيرت خالص وبقا يتعصب على كل حاجة وبيضربني ليل ونهار، لو طلب مني كوباية شاي وتأخرت بيضربني، غضبت كتير عند أهلي وكل مرة بيتفق معاه إنه هيتغير بس أول مانرجع البيت يرجع زي الأول».

أقرأ أيضًا: زوجة في دعوى طلاق للضرر: "دبسني في قروض واداني على قفايا"

ازدادت الخلافات بينهما بسبب المخدرات وازداد ضرب الزوج لها ما دفع الزوجة لطلب الطلاق، أضافت دنيا: «مبيصرفش على البيت ولا جنيه كل مصاريفه ضايعة على المخدرات اللي بيشربها وكل ما أقوله هات فلوس يقولي مش معايا لحد ما زهقت ونزلت اشتغل في البيوت وانضف عشان اصرف على ابني».

تابعت: «أخر خناقة بينا كانت كبيرة وضربني في الشارع والناس اتلمت علينا طلبت منه الطلاق وروحت عند أهلي، جه عشان ياخدني ولما موافقتش اتخانق مع أبويا وضربه ورفع على أخويا سكينة».

أنهت حديثها: «قاعدة عند أهلي بقالي سنة وأنا اللي بصرف من الشغل بتاعي بس مصاريف الواد كتيرة أوي ومش قادرة عليها لوحدي وكل ما أقوله عايزة فلوس عشان أدخل الولد الحضانة بس ولا بيعبرني»، رفض الزوج الطلاق بعد إلحاح أهل الزوجة على الزوج ما جعلهم يلجأون للقضاء ورفع قضية طلاق للضرر ولا تزال القضية منظورة حتى الآن.

أقرأ أيضًا: عزة في دعوى نفقة: «5 سنين محاكم ومخدتش ولا جنيه والبنت هتطرد من المدرسة»

تابع أحدث الأخبار عبر