أميرة في دعوى خلع: "بيسرق هدومي الداخلية ويبعها عشان المخدرات"
تتعدد أسباب دعوى خلع الزوجات، ولعل أسوأها تلك التي تتحدث عن تعاطي أزواجهن المخدرات، ويقومون ببيع الغالي والنفيس بحثاً عنها.
6 سنوات من الإهانة والضرب بسبب إدمان الزوج وتعاطيه للمخدرات، ومع ذلك لم تطلبت أميرة الطلاق من السنة الأولى من أجل أولادها وحاولت أكثر من مرة معالجته ولكنه رفض وكان يزداد الوضع سوء مع الوقت ما جعلها تلجأ للقضاء وترفع دعوى خلع حفاظًا على أولادها من والدهم المدمن.
"كل شوية يتحبس" بهذه العبارة بدأت أميرة حديثها تحكي معاناتها التي بدأت منذ 6 سنوات من بداية الزواج، تابعت: “كان كويس في الخطوبة وكان بيعاملني كويس وكل حاجة ببقى عايزاها بيجبهالي وأهلي كانوا شايفين إنه محترم عشان كدا فترة الخطوبة مطولتش واتجوزنا علطول”.
أكملت: "من ساعة ما تجوزنا وهو اتغير في تعامله معايا وبقا متعصب طول الوقت وبيضربني لو طلب مني حاجة واتأخرت عليه، مكنتش فاهمة إيه سبب تغيره دا بس اكتشفت إنه بيشرب مخدرات ويقل أدبه عليا ويضربني".
الزوج يبيع أغراض المنزل من أجل المخدرات
غضبت الزوجة من أفعال الزوج وحاولت التأقلم معه والإصلاح منه ولكنه يزداد في معاملته السيئة، تابعت: “حاولت أوديه مصحة كتير بس كل مرة كان بيهرب ويرجع أسوء من الأول، تعبت منه ومن ضربه فيا وروحت عند بيت أهلي عشان يتعدل بس مبيفرقش معاه”.
أضافت: "مبقاش ينزل الشغل ومبيصرفش ولا جنيه في البيت وأنا نزلت اشتغل عشان اعرف أصرف على ولادي الاتنين، وبقا ياخد حاجات من البيت يبيعها عشان يجيب مخدرات، وصل بيه الحال إنه ياخد هدومي والملابس الداخلية يبيعها عشان يجيب القرف اللي بيشربه دا غير إنه بقا كل شوية يتحبس"
قررت أميرة الانفصال بعد ما أدركت استحالة العيش مع شخص مدمن غير واعي لتصرفاته، أكملت: "بصرف عليه وهو مأنتخ في البيت ولما مبرضاش أديله فلوس بيضربني في أي حاجة في إيده، زهقت منه ومن العيشة اللي أنا عايشاها، خوفت على العيال لأحسن يعمل فيهم حاجة وخدتهم ومشيت روحت عند أهلي وطلبت منه الطلاق بس هو رفض".
اختتمت قائلة: "أهلي اتكلموا معاه كتير عشان يطلقني بس هو مصمم إنه ميطلقش، رفعت دعوى خلع بقالي خمس شهور"، ولا تزال القضية منظورة في المحكمة حتى الآن.
تابع أحدث الأخبار عبر
