مروة في دعوى طلاق: «معندوش شخصية وابن أمه»
بيوت كثيرة تتداعى وتخرب بسبب تسلط وتدخل الأهل في الأمور الشخصية بين الزوجين ما يؤدي لحدوث المشكلات بين الطرفين تنتهي في بعض الأحيان بالانفصال بسبب عدم تحمل الزوجة وأنها تريد زوجا له شخصية ورأي لا ينساق وراء رأي أهله.
أقرأ أيضًا: ياسمين لقاضي الأسرة: « أمه طفشتني بعد 4 شهور ومجاش يوم موت بنته»
"اتطلقت بسبب أهله" هكذا بدأت مروة حديثها تروي قصتها للقاضي مؤكدة على خروج أسرار المنزل لأهل الزوج من خلاله ومعرفتهم بكل التفاصيل الذي تدور بينهما، تابعت: "اتجوزنا في بيت أهله وكنت فاكرة إن الدنيا هتبقى تمام بينا بس لقيت عكس دا عشان عرفت إنهم بيعرفوا كل حاجة بتحصل معايا أنا وهو وكمان بيتدخلوا وخاصة أمه، ويقولوا نعمل إيه ومنعملش إيه، اكتشفت إن جوزي هو الي بيقولهم كل أسرار البيت».
أضافت: «اتخانقت معاه كتير بسبب الموضوع دا وقولتله ليه تقول أسرار بيتنا لأهلك قالي أنا حر، سبت له البيت كتير وروحت عند أهلي لأني كل مرة أقوله متقولش حاجة لأهلك يقولهم بردو»
أقرأ أيضًا: «بيتهمني بالسرقة».. وفاء في دعوى نفقة : "طلقني غيابي عشان غويشه"
ماشي وراء كلام أهله
ظنت الزوجة أن سبب المشكلات تواجدها في بيت أهله ما جعلها تطلب الابتعاد عنهم والسكن في منزل بعيد عن أهل زوجها، وأن الأوضاع تهدأ بمجرد الابتعاد، أضافت: «كنت فاكرة إن سبب المشاكل إننا قاعدين مع بعض في نفس البيت وطلبت منه إننا نقعد في شقة بعيد عنهم عشان المشاكل تخف شوية».
تابعت: «خدنا شقة بعيد عنهم ولقيت مفيش حاجة اتغيرت وبردو بيعرفوا كل حاجة كأنهم عايشين معانا في نفس البيت وبرضو بيتدخلوا في كل حاجة وهو بيسمع كلامهم، لما لقيت الموضوع بيزيد سبت له البيت بعد سنة وأنا حامل في شهرين ومشيت وقررت إني اتطلق طالما هو مش بيحافظ على علاقتنا ولا أسرار بيتنا».
سئمت الزوجة من تصرفات الزوج وأدركت أنه لا يتغير بتغير المكان ما دفعها لتطلب الطلاق والانفصال عنه، اختتمت حديثها: «مشيت من البيت ورفعت قضية طلاق على جوزي وكسبتها واطلقت منه بعد 3 شهور بس».
أقرأ أيضًا: خيانة زوجية.. نهى للقاضي : "ادى أخوه 5 آلاف جنيه عشان يسيبله مراته"
تابع أحدث الأخبار عبر
