أخبار محكمة الأسرة اليوم
محكمة الأسرة .. أماني: كل مشكلة يقاطعنا بالـ 3 شهور وكل واحد بينام في أوضة
كانت أماني في محكمة الأسرة بعد فشل محاولتها في إصلاح علاقتها بزوجها، الذي منذ زواجها منه اكتشفت أنه شخصية نرجسية ومن الصعب معاشرته وأن تكمل حياتها معه، كان الزوج بعد كل خلاف طبيعي يحدث بينهم يهمل زوجته وأبنائه ولا يسأل عليهم ويعطيهم أبسط احتياجاتهم، حتى اضطر زوجته أن تصل لمحكمة الأسرة حتى تحصل على حقوقها.
قصص محكمة الأسرة.. اتجوزت من 20 سنة عن طريق المعارف
قالت «أماني» في بداية حديثها: «أنا متجوزة من ٢٠ سنة، مخلفة من جوزي ٥ أولاد، أنا وهو مكناش قرايب بس اتجوزنا عن طريق المعارف، ناس قرايب من بعيد شافني في فرح وسأل علياعرفونا على بعض وبعدها على طول اتجوزنا».
حكايات محكمة الأسرة..أنا وجوزي بنام كل واحد أوضة
تابعت «أماني» حديثها قائلة: «أنا وجوزي منفصلين من ٦ شهور،احنا أصلا كنا منفصلين واحنا مع بعض كل واحد فينا كان بينام في أوضة لوحده وعايشين زي الأغراب سوى، بس اللي اختلف دلوقتي إن بقى فيه استحالة في العيشة مبقاش بنفع نعيش مع بعض حتى لو كل واحد في اوضة منقدرش نكمل سوى».
دعاوي محكمة الأسرة..بيقاطعني بالـ 3 شهور
أضافت الزوجة: «في مشاكل كتير بينا من زمان كنا أول ما نتخانق مبيصرفش ولا بيسأل فيا أنا والعيال، هو بيعمل كدة من ساعة ما كان عندي عيل واحد، كان شخص نرجسي بينقطع عننا ويقاطعنا بالشهر والاتنين والتلاتة، كان مش بيسب البيت بس بيعد في البيت يقرفني ويعمل مشكلة على كل حاجة».
قضايا محكمة الأسرة.. واخد المصروف وسيلة ضغط
أنهت «أماني» حديثها قائلة: «فضل الموضوع يزيد لحد ما الدنيا باظت خالص يقاطعنا بالشهور وميسألش فينا ولا في مصاريفنا عشان يعاقبنا، لحد ما سيبته من قريب ورفعت عليه قضية النفقة من شهر9، الخطوة دي كان المفروض تتعمل من ٢٠ سنة بي أنا اللي كنت خايفة أواجه الدنيا لوحدي مكنتش عارفة اجيب لعيالي أكل وشرب وأصرف عليهم ازاي بس عشان كدة رفعت قضية النفقة دلوقتي، بس خلاص أنا مقدرش أكمل معاه وأفضل عايشة الحياة دي».