أخبار محكمة الأسرة
قضايا محكمة الأسرة.. نادية : همجي وكلامه كله بالضرب وطلع مبهدل قبلي تلاتة
طرقت «نادية» أبواب محكمة الأسرة بعد المعاناة التي عاشتها مع زوجها الذي عذبها طوال حياتها معه ولم يحترمها أو يصونها، وتحملت الزوجة طباع زوجها الصعبة حتى لا ينخرب بيتها ولا تتخلى عن حلمها في تكوين أسرة، كان أملها أن يتحسن حال زوجها، ولكن عندما اكتشفت ما فعله الزوج وتاريخه الذي أخفاه عنها فاض بها الكيل و توجهت لمحكمة الأسرة بحثا عن حقوقها.
قصص محكمة الأسرة.. اتجوزت عن طريق المعارف
قالت «نادية» في بداية حديثها : «اتجوزت من 9 سنين ولدي منه طفلين، الحياة الأول كانت عادية ومفيش مشاكل اتعرفت عليه عن طريق المعارف وكان كويس ومفيش منه مشاكل وافقت عليه لما اتقدم لي وكان عندي أمل إن يبقى عندي بيت وعيله ومسألتش عليه ووثقنا فيه أنا وأهلي».
حكايات محكمة الأسرة.. جوزي بيضربني ويعذبني
تابعت «نادية» حديثها قائلة: «بعد الجواز الدنيا في الاول كانت تمام بس من بعد أول كام شهر المشاكل بدأت وكل مادى كانت بتزيد كان بني آدم ميتعاشرش كان كل كلمة ضرب وإهانة وبهدلة كان بيضربني ضرب لا يحتمل وبيعذبني عذاب محدش يقدر عليه».
دعاوي محكمة الأسرة.. استحملت جوزي عشان بيتي ميتخربش
أضافت الزوجة: «عيشت معاه سنين بهدلة كان على طول بيضربني باي حاجة قدامه يضربني ويعذبني عصايه أو مقشة أو حزام اتحملته كتير عشان خاطر ولادي ميتبهدلوش وبيتي ميتخربش، كان ضرب بسبب ومن غير سبب لو على أي حاجة يضربني ويبهدلني وكنت لما اشتكي لاهلي يقولوا استحملي جوزك».
قضايا محكمة الأسرة.. طلع متجوز قبلي وبهدلهم زي ما بهدلني
أنهت «نادية» حديثها قائلة: «فضلت مستحملاه لحد ما خلاص في يوم مسكني ضربني كان هيموتني في ايده سيبته ورفعت عليه قضية خلع وهربت رحت مكان تاني عشان ميلاقينيش فيه، وبعد ما سيبته عرفت انه كان متجوز 3 قبلي عمل فيهم نفس اللي عمله معايا ومكنتش أعرف الكلام ده قبل الجواز كان ممكن افتكر ان المشكلة من عندي واني كنت الغلطانة لكن هو اللي سادي ومش طبيعي، الحمدلله إني سيبته عشان أخلق نفسي وألحق ولادي منه».
تابع أحدث الأخبار عبر
