أخبار محكمة الأسرة اليوم
أمينة لـ محكمة الأسرة: اخوه ضربني وطردني وهو واقف يتفرج
تواجدت أمينة في محكمة الأسرة وهي تحمل الحسرة عما شهدته في زيجتها بسبب أهل زوجها الذي كانوا أهل لها أيضا ولكنهم لم يصونوا صلة القرابة وطردوا الزوجة من بيتها بدون سبب، منذ رجوع أخو زوج أمينة من سفره بالخارج كان لا يريد زوجة أخيه أن تكمل حياتها معه أو تظل في بيت العائلة، وافترى عليها وظلمها وحاول التخلص منها بكل الأشكال وبدل أن يكون الوج هو ضهرها وسندها ويأخذ صفها أخذ صف أخيه واخرجها من بيتها لتصل لأبواب محكمة الأسرة لتبحث عن حقوقها.
قصص محكمة الأسرة.. اتجوزت قريبي وعيشنا في بيت العايلة
قالت «فاطمة» في بداية حديثها: «أنا اتجوزت واحد قريبي من ١١ سنة ومعايا منه بنتين، اتجوزنا وعشنا في بيت عيلة والدنيا كانت ماشية ومكنش فيه مشاكل في الأول هو كان محترم وبيحبني وبيشتغل ويصرف عادي زي باقي الناس».
حكايات محكمة الأسرة.. كنت بكبر دماغي على مشاكل بيت العايلة
تابعت «فاطمة» حديثها قائلة: «الحياة مع جوزي كانت عادية ومفيش مشاكل، كان فيه مشاكل بتحصل بسبب أهله وبسبب السكن في بيت العايلة بس كانت بتعدي وأنا كنت بكبر دماغي ومعملش مشاكل عشان مخربش بيتي».
دعاوي محكمة الأسرة.. قرايبي استحملوني بالعافية
أضافت الزوجة: «المشاكل مع أهله كل مادى كانت بتزيد كانوا مش عايزني وعايزين يخرجوني من البيت، كانوا بيقولوا أحنا استحملناكي كل ده عشان قرايب بس خلاص انتي خلفتي وأحنا مش عايزينك، كل ده كان بيحصل ويعدي عادي، لكن المشاكل اللي بجد بدأت لما أخو جوزي رجع من السفر بعد ما كان مسافر بيشتغل بره، هو اللي مبقاش طايقني وضربني وطردني من البيت لأنه مش عايزني في بيت أهله».
قضايا محكمة الأسرة.. أهل جوزي مصممين إني مرجعش بيتي
أنهت «فاطمة» حديثها قائلة: «اتضربت واتطردت قدام جوزي وهو مقدرش يخسر اخوه او يكسر كلمته سابه طردني ومتكلمش، دلوقتي سايبه البيت بقالي 9 شهور ومن ساعتها هو مسألش فينا ولا صرف علينا جنية وأهله مصممين إني مرجعش ولا أدخل البيت تاني ولسه متطلقناش لحد دلوقتي ورفعت قضية نفقة وأجر مسكن».