أخبار محكمة الأسرة اليوم
محكمة الأسرة .. علياء: بغضب وأسيب البيت كتير بسبب جوزي الأناني
كانت علياء في محكمة الأسرة بعد سنين صبرتها على زوجها الذي لم يريد تحمل المسؤولية يوما وكانت الأنانية هي طبعه الذي اتسم به طوال حياتهم سويا ولم يقدر زوجتها أو يرعاها يوما هي وأولادهم، ولم يصرف عليهم حتى أبسط المصاريف ليعيشوا حياة طبيعية مستقرة، لسنين حاولت الزوجة بكل الطرق أن تعطي زوجها كل الفرص الأزمة حتى يعيشوا حياة طبيعية وتركته عدة مرات حتى يتعظ ويعاملها معاملة حسنة لكن ما وجدته منه هو القسوة وعدم التغير حتى اضطرت أن تتوجه لمحكمة الأسرة لتحصل على حقوقها.
قصص محكمة الأسرة .. اتجوزت من 10 سنين
قالت «علياء» في بداية حديثها: «أنا متجوزة من 10 سنين وخلفت من جوزي ولدين وكان جواز تقليدي زي أي اتنين، اتخطبنا فترة واتجوزنا بعدها ومكنش يبان عليه حاجة في الأول إنه ممكن يعمل كل اللي عمله ده».
حكايات محكمة الأسرة .. جوزي مبيصرفش عليا من زمان
تابعت «علياء» حديثها قائلة: «سايبه جوزي دلوقتي بقالي سنة وشهرين لأنه مبيصرفش من ساعة ما اتجوزته كان شوية كويس وشوية لا، كان طبعه كده مصاريفه قليلة ومبيصرفش عليا غير على القد، سواء الدنيا غليت أو العيال مصاريفهم زادت هو زي ما هو مبيصرفش غير على القد أو أقل كمان».
دعاوي محكمة الأسرة.. بسيب بيتي وأغضب أكتر ما بعد فيه
أضافت الزوجة: «كنت بغضب كتير جدا وأقعد عند أهلي عشان ألاقي حد يصرف عليا أنا والعيال وكنت بقول يمكن يتعلم الأدب ويخلي باله مني ومن أولاده ويصرف علينا اللي أحنا محتاجينه لكن مفيش فايدة، كنت بغضب أكتر ما بقعد معاه في البيت».
قضايا محكمة الأسرة.. ماصدق طلقني عشان يخلص مني
أنهت «علياء» حديثها قائلة: «كان بيبقى عايز يشتغل ويصرف على نفسه هو بس وميصرفش عليا أو على العيال كل ما المصاريف بتزيد كل ما بيزيد في طبعه الصعب لحد ما تعبت منه لأنه كان بيضربني بسبب المشاكل على المصاريف طلبت منه الطلاق وافق وقالي بالسلامة أنا أصلا مش عايزك وطلقني عند المأذون طلقني عند المأذون، وجيت أرفع عليه قضية نفقة».
تابع أحدث الأخبار عبر
