أخبار محكمة الأسرة اليوم
رجاء لـ محكمة الأسرة : مرات ابني حرمتني من حفيدي بعد وفاة ضنايا
تواجدت رجاء وهي في سنها الكبير أمام محكمة الأسرة بعد الخسارة الكبيرة التي شهدتها في حياتها من موت ابنها ثم زوجها ثم خسارتها لحفيدها بسبب والدته التي أعمي عينيها الطمع، وحرمت الجدة من أخر أمل لها في الحياة ، وهو حفيدها الذي لم يصبح لها غيره في الدنيا كل ذلك من أجل الأموال التي تركها زوجها لها من أجل ابنهم واضطرت الجدة أن تتوجه لمحكمة الأسرة على أمل أن تجد حل لمشكلتها.
قصص محكمة الأسرة.. أنا اللي شيلت ابني في تعبه
قالت «رجاء» في بداية حديثها: «أنا ابني مات بقاله 3 سنين وجوزي مات من شهرين بس، الاثنين كانوا تعبانين وماتوا بعد تعبهم، أحنا الحياة كانت ماشية عادي وطبيعية ومفيش مشاكل لحد ما ابني تعب وأنا اللي شيلته ولفيت بيه عند الدكاترة».
حكايات محكمة الأسرة.. مرات ابني رمته لما تعب
تابعت «رجاء» حديثها قائلة: «لما ابني تعب وقتها مراته اللي مخلف منها ولد واحد بس سابته وخدت الولد مشيت، وكانت بتتصل تطمن عليه زي الناس الغريبة وتعبت ابنها مع أبوها لإبني يشوفه، وقتها معملتش حاجة لأن ابني كان تعبان وكنت قاعدة بيه، لحد ما ابني مات وكنت حاسه إني هموت وراه خلاص، بس اللي كان مصبرني وجود ابنه».
دعاوي محكمة الأسرة.. اتجوزت وحرمتي من حفيدي
أضافت «رجاء»: «بعد وفاة ابني جوزي هو اللي كان بيصرف على حفيدي وبيبعتله المصاريف اللي محتاجها، لحد ما جوزي مات من شهرين بس، ومن وقتها وأنا بقيت لوحدي، ومرات ابني كانت بتخليني أشوف حفيدي وجوزي عايش وبيبعتلها فلوس من ساعة ما مات وأنا مبشفش حفيدي أمه اتجوزت ومنعته عني ومخلتنيش اشوفه لاني مقدرش اصرف عليه اللي يكفيه».
قضايا محكمة الأسرة.. مقدرش أسيب ورث حفيدي مع أمه
أنهت «رجاء» حديثها قائلة: «جيت المحكمة اعمل اعلان وراثة لأن فيه وديعة في البنك عايزين نقسمها وادي حفيدي ورثه من ابوه لكن مقدرش اسيب الورث مع امه لأنها ست ملهاش أمان، وهرفع قضية رؤية عشان أقدر أشوف حفيدي اللي منعته عني لأن مش معايا فلوس تكفي أصرفها عليه».