أخبار محكمة الأسرة اليوم
محكمة الأسرة .. خالد: مراتي أمها بتقومها عليا وبتشجعها إنها تخرب البيت
كان «خالد» على أبواب محكمة الأسرة يبحث عن حل لمشاكله وخلافاته مع زوجته التي ملأت حياته معها الخلافات والمشاكل منذ زواجه منها، وكان سبب الخلافات بين الزوج وزوجته هي حماته اتي كانت تشجع أبنتها على خراب بيتها وتدمير أسرتها، فقط لتنتقم من الزوج وتدمر حياته، بعد سنين تحمل الزوج لزوجته كانت محكمة الأسرة هي النهاية التي وصل لها بسبب زوجته التي تركت أمها تدمر حياتهم بالرغم من محاولات الزوج العديدة في الحفاظ على بيته وأسرته.
قصص محكمة الأسرة .. فهمتها اننا هنتجوز في بيت عيلة ومكدبتش عليها
قال «خالد» في بداية حديثه: «أنا اتجوز جواز صالونات من 4 سنين وخلفت من مراتي بنت 3 سنين وولد سنه،من ساعة ما اتجوزنا وقبل ما نتجوز كنت مفهمها أننا هنعيش في بيت عايلة ومكدبتش عليها، وهي كانت موافقة ومعندهاش مشاكل لكن كل ده بعد كدة اتغير».
حكايات محكمة الأسرة .. مراتي مبتحبش أهلي وعايزاني أسيبهم
تابع «خالد» حديثه قائلا: «من يوم ماتجوزنا مشوفتش يوم عدل بسبب مراتي كانت مبتحبش أهلي وعوزاني أبعد عنهم ونعزل نروح مكان تاني ودا مستحيل طبعا إني أسيب بيتي وأبويا وأمي علشان مراتي تتبسط، حصل بينا خلافات كتير بسبب الموضوع ده وكل مادى كان بيزيد وكنت بعديه عشان الدنيا تمشي».
دعاوي محكمة الأسرة.. مش عايز أطلق مراتي عشان خاطر عيالي
أضاف الزوج لكلامه: «حماتي كانت سبب المشاكل على طول بتشجع مراتي أنها تغضب وتسيب البيت، وكانت عارفه عني كل حاجه اكنها موجودة معانا في البيت، وبتخليها كتير تطلب الطلاق وأنا مش عاوز اطلق مش حب في مراتي لاكن حب في عيالي انا اموت من غيرهم».
قضايا محكمة الأسرة.. عايزة تبهدلني في المحاكم هي وأمها
أنهى «خالد» حديثه قائلا: «لحد أخر مرة حصل بينا مشكلة كانت على المصاريف كانت عايزة فلوس كتيرة وأنا مش معايا، مراتي وقتها خدت العيال وراحت عند أهلها ومن ساعتها حرماني من ولادي ومش مخلياني أشوفهم وأخرتها رفعت عليا قضية نفقة عشان المصاريف وهي مكنتش طلبت مني حاجة وأنا مجبتهاش للعيال سواء أكل أو شرب أو علاج مش مخلي عيالي محتاجين حاجة هي اللي عايزة تبهدلني هي وأمها ».