أخبار محكمة الأسرة
محكمة الأسرة.. حسين في إنذار طاعة: واخدة كل فلوسي ومش عاجبها العجب
أمام محكمة الأسرة تواجد «حسين» وكان يبحث عن حلول لتعود أسرته سعيدة مثلما كانت من قبل، لكن أطماع زوجته وعندها أوصلها لتدمير أسرتها وبيتها وأوصل الزوج لمحكمة الأسرة حتى يحصل على حقوقه وهو على أمل أن يلم شمل أسرته من جديد بعد كل ما مروا به سويًا، وكان «حسين» عكس العديد من الرجال لم يكن هو سبب خراب بيته بل كان هو من يحاول أن يصلح المشاكل من أجل مصلحة أسرته، تواجد بجانب «حسين» المحامي محمود سيد حندول الذي كان بجانبه يساعده في جمع أسرته من جديد.
قصص محكمة الأسرة.. كنا زي اتنين ومفيش مشاكل
قال «حسين»: «أنا اتجوزت مراتي من سنين وخلفنا والحياة كانت كويسة ومفيش مشاكل في الأول كنا زي اتنين عاديين ومفيش بينا غير المشاكل العادية اللي بتتحل على طول، أنا اللي كنت بشتغل واصرف وكنت بحاول على قد ما ربنا يقدرني مخليش بيتي محتاج حاجة».
دعاوي محكمة الأسرة.. المشاكل والخلافات مبتنتهيش
أكمل «حسين» كلامه قائلا: «مع الوقت المشاكل بيني وبين مراتي كانت بتزيد كانت بتبقي لأسباب كتير، بس كنت بقول البيوت كلها مشاكل وبعدي الدنيا عشان مخربش البيت والعيال ميتبهدلوش، لحد ما في مرة حصل بينا مشكلة كبيرة وبعدها حصل مشاكل كتير غيرها ومراتي سابت البيت بعدها».
قضايا محكمة الأسرة.. اتصدمت إن مراتي رفعت عليا قضايا
تابع الزوج حديثه وقال: «بعد ما سابت البيت اتصدمت أنها رفعت عليا قضايا عشان النفقة الزوجية ونفقة صغار كل ده وهي على ذمتي ومتطلقناش وكان في بينا الخلافات العادية بس، الأولاد كانوا معايا وانا اللي باخد بالي منهم وبصرف عليهم، خدتهم بعد ما كنت ماشي في اجراءات إني اثبت انهم معايا، رفعت انها تسترد الصغار لأنهم في سن الحضانة».
حكايات محكمة الأسرة.. عايز أرجع مراتي وولادي لبيتهم
أنهى «حسين» كلامه وقال: «دلوقتي رفعت عليها قضية إنذار بالطاعة لأنها مش موجودة في البيت ورافعة عليا قضايا وبتاخد نفقتها ونفقة الأولاد من مرتبي وحتى كل ده مطلبتش الطلاق حتى، كل اللي طالبه أنها ترجع مسكن الزوجية عشان تستحق النفقة اللي هي بتاخدها».