أخبار محكمة الأسرة
محكمة الأسرة.. خلود: اتطلقت في شهر العسل عشان مش قادر يقوم بواجباته الزوجية
كانت محكمة الأسرة هي النهاية التي وصلت لها «خلود» بعد تجربة زواج لمد تدم سوى فترة قصيرة، لم يتحقق حلم «خلود» في تكوين بيت وأسرة منذ أن تقدم لها عريسها عن طريق الأهالي ، وافقت عليه على أمل أن يكون شريك عمرها لكن تحولت كل أحلامها لكوابيس بسبب الخلافات التي حدثت بينها وبين زوجها في أول زواجها وأدت لوصول «خلود» لمحكمة الأسرة حتى تحصل على حريتها.
قصص محكمة الأسرة.. اتجوزت جواز مصلحة
قالت «خلود» في بداية حديثها: «أنا اتعرفت على جوزي عن طريق العيلتين أهلي وأهله عارفين بعض وفي شغل بينهم وبين بعض، كان جواز مصلحة عشان مصالح العيلتين في الشغل، وافقت عليه عشان مغضبش أهلي ، وكان عندي أمل أنه يكون راجل كويس ونكمل سوا».
دعاوي محكمة الأسرة.. أنا وجوزي مختلفين عن بعض
أكملت «خلود» حكايتها وقالت: «اتجوزنا بعد فترة خطوبة قصيرة وكنت فرحانة أن هتجوز ويبقى ليا بيت وهتجوز ومكنتش اعرف أني هوصل لكدة في الأخر، من ساعة الخطوبة خدت بالي اننا مختلفين عن بعض بس عديت ، وقلت عادي وأن مفيش مشكلة، بس بعد الجواز المشاكل كلها بانت».
حكايات محكمة الأسرة.. مقدرش يقوم بواجباته الزوجية وبيطلع عصبيته عليا
تابعت «تهاني»: «أول ما اتجوزنا كنا نازلين في فندق زي أي اتنين عرسان عشان نقضي فيه شهر العسل وأول ما نزلنا الفندق اتخانقنا مع بعض على حاجة تافهة ، وبعد كدة الخناقات زادت، بعد كدة مقدرش يقوم بواجباته الزوجية والموضوع ده عمل مشكلة كبيرة ، واتخانق معايا كتير بسببه بقينا نتخانق على طول، ولما لقيت أني لسه في شهر العسل ومش قادرة اتحمله قررت أسيبه ومضيعش حياتي معاه».
قضايا محكمة الأسرة.. خايف يطلقني عشان ميدفعش فلوس
أنهت الزوجة حديثها وقالت: «طلبت الطلاق وانا مكملتش شهر جواز ولسه في شهر العسل وهو رفض يطلقني لأنه كان جايب شبكة غالية ، وكاتب مؤخر صداق كبير عشان كدة مش عايز يطلق عشان ميدفعش حاجة، وعشان المصالح بين الأهالي متتأثرش، واضطرني أني ارفع قضية خلع أنا مش عايزة منه حاجة انا عايزة أكمل حياتي».