"أهله سبب الخراب كله ".. سمية للقاضي: خلاني اتنازل عن القضايا عشان ينتقم مني
ظنت «سمية» عند زواجها أن حياتها ستكون وردية و يملأها الفرحة والبهجة، لكن كل شيء تحول بعد ما قرر أهل الزوج التدخل في كل أمورهما الشخصية، وحاولت «سمية» أن تحافظ على لكن لم يقدر زوجها أو أهله أي من تضحياتها.
"أهله سبب الخراب كله ".. سمية للقاضي: خلاني اتنازل عن القضايا عشان ينتقم مني
لم تجد «سمية» منذ زواجها الا القسوة والضرب من زوجها الذي بدأ ضربه لها منذ او أسبوع زواج، وفوق أفعال الزوج كان أهله لا يحترموها ويعاملوها معاملة سيئة، وعندما حاولت الزوجة أن تنهي حياتها مع زوجها عن طريق المحاكم، اقنعها ان تعود لبيتها ليربوا ابنهم سويا ويعيشوا حياة طبيعية و وعدها أن يتغير لكن ما كان يخفيه لها كان الغدر فوجدت أن طباعه أصبحت أسوء وعملت أنه ردها له فقط لبنتقم منها، ولجأت «سمية» في النهاية لمحكمة الأسرة حتى تحصل على حقوقها.
مبهدلني من أول اسبوع جواز
قالت سمية:«انا اتجوزت من تلت سنين ونص، خلفت كن جوزي ولد واحد بس، من ساعة ما اتجوزت و جوزي بيضربني ويشتمني من تاني اسبوع جواز، كل معاملته ضرب وبهدلة واهانة، كنت بتحمل واقول بكرة يتفير لكن مفيش فايدة معاه، وبعد الخلفة كنت بستحمل عشان خاطر ابني ميتبهدلش.»
أهله سبب المشاكل
تابعت سمية:« امه كانت طباعها شديدة جدا، كانت على طول بتعمل معايا مشاكل، او بتقوم مشاكل بيني وبين جوزي، وهو طبعا مان على طول بياخد صفها، حتى اخواته البنات وابوه كانوا بيعملوا معايا مشاكل، وانا عمري ما كنت بيبقى في بالي اني ازعلهم أو اعمل معاهم مشكلة لكنهم كانوا سبب مشاكلي.»
رجعني عشان ينتقم مني
أضافت سمية:« حصل بينا مشاكل كتير بسببه هو واهله وانا تعبت من الحياة معاه وقررت اسيبه أول مرة، سيبته وكان في قضايا في الاول وكان هيتحكم عليه انه يدفعلي فلوس رجع وقالي نتصالح ووعدني انه يتغير من طبعه ويبقى واحد تاني، اتنازلت ورجعتله عشان خاطر ابني مكنش في نيتي حاجة وحشة، بعدها رجع لطبعه الوحش وكان أسوء كمان، بقى الضرب والإهانة اكترمن الأول.»
دعوى نفقة
أنهت سمية حديثها:« زهقت منه وطلبت الطلاق رفض وقالي اتنازلي عن حاجتي عشان اطلق، واتنازلت عشان اخلص منه، من ساعة الطلاق مبيصرفش على ابنه حاجة، هو اصلا قبل الطلاق مكنش بيصرف الاكل والشرب عند حماتي ونطلع على النوم بس مفيش حاجة في البيت ودلوقتي مفيش خالص، عشان كدة جيت ارفع قضية نفقة.