«طردوني بلبس البيت».. مريم تطلب الطلاق: كل مشاكلنا بسبب اخوات جوزي وهو ولا هنا
لم تنعم مريم بأي استقرار في حياتها الزوجية بسبب عائلة زوجها الذين يتدخلون في شئون حياتها الخاصة ما أدى لتصاعد المشكلات يوم بعد يوم بينهما فكانت نهاية قصتهما على أعتاب محكمة الأسرة وهي تطلب الطلاق بعد كما نفذ صبرها من تصرفات عائلة زوجها.
كل المشاكل بسبب أهل جوزي
أخر مشكلة جعلتها تنوي الانفصال ورفع دعوى طلاق هو طردها من قبل شقيقات زوجها في غيابه، تبدأ رواياتها لقاضي المحكمة قائلة: "كل اللي المشاكل اللي أنا فيها من ساعة ما اتجوزت سببها اخوات جوزي اللي حطني في دماغهم مش عارفة ليه من غير ما أعملهم حاجة"، رسمت حياة سعيدة في بالها عن شكل حياتها بعد الزواج ولكن عائلة زوجها خربوا عليها كل أحلامها السعيدة وأصبحت تعيش في كابوس كبير تريد التخلص منه بأي طريقة.
تابعت مريم: "كنت فاكرة إني هعيش حياة مفيش زيها بس كنت غلطانة عشان كل المشاكل بدأت من أول ما اتجوزت، في الخطوبة مكنش في أي مشاكل خالص وكنت بعامل أهل جوزي عادي مفيش أي حاجة وكنت بعتبرهم اخواتي كمان".
طردوني وجوزي مش موجود
لاحظت تغير معاملة أهل زوجها لها ولكنها لا تجد أي مبرر لهذه المعاملة ما جعل المشكلات تتصاعد حتى انتهت بطردها من شقتها في غياب زوجها وكان هذا السبب الأساسي في إصرارها على رفع دعوى طلاق، استكملت الزوجة قائلة: “بيتخانقوا معايا على أي حاجة وأنا مش فاهمة ليه، والخناقات كترت لحد ما اتخنقت وكل ما أكلم جوزي يقولي عادي مش قصدهم، لحد ما بقوا يزودوا في قلة أدبهم دي”.
اختتمت رواياتها: "كنت بعدي كل مرة عشان مكبرش الموضوع واعمل مشاكل على الفاضي، بس أخر مرة دي صممت على الطلاق، عشان جم في يوم وجوزي في الشغل وعارفين إني لوحدي طلعوا لي وضربوني من غير ما أي حاجة تحصل وطردوني من الشقة بلبس البيت مهنش عليهم حتى يدوني حاجة البسها انزل بيها الشارع"، كانت محكمة الأسرة هي طوق النجاة له لتنقذها من هذه العائلة من خلال رفع دعوى طلاق منذ 5 شهور ولا تزال الدعوى منظورة في المحكمة حتى الآن.
تابع أحدث الأخبار عبر
