«خدتني لحم ورمتني عضم».. زوج : عاوزه تخلعني وتتجوز زميلها بعد ما اتعميت
تشهد محكمة الأسرة حكايات يتعجب لها الأذهان من ضمنها رواية سمر مع زوجها الذي عاشت معه حياة سعيدة مستقرة لمدة 15 عام بالكامل والحياة الزوجية مستقرة اسمر عن هذا الزواج السعيد أربع أولاد، فجأة تغير كل شيء بعد ما اكتشفت مرض زوجها الذي جعلها تغير نمط حياتها بالكامل وأول ما فعلته هو تغير زوجها بعدم وجدت البديل له.
عايزة تشوف حياتها لما جوزها اتعمى
تعرفت في العمل بزميل لها كان السبب في طلبها للخلع من بعد ما وجدت البديل الذي يغنيها عن زوجها الكفيف، تبدأ محامية الزوج حديثها لـ "الحادثة": "هما جيراني وكنت شايفة حياتهم كويسة جدًا ومفيش أي مشاكل بينهم، وحياتهم ماشية تمام، بس من ساعة ما جوزها نتعب وهي اتغيرت خالص معاه وبقت واحدة تانية خالص".
استكملت المحامية باقي تفاصيل القضية وتقول: "جوزها جاله ضمور في العصب البصري في أول 2023 ومبقاش يشوف دا غير مشاكل الكبد، وبدل ما تقف جمب جوزها نزلت تشتغل وتشوف حياتها مع إنها مكنتش بتشتغل قبل كدا خالص".
هتخلعه عشان اتعمي
ساءت معاملة الزوجة له أكثر وأكثر بعد ما بدأت في عملها الجديد، تعرفت على زميل لها وقررت التخلي عن زوجها المريض وأولادها الأربعة وحياتها الزوجية حتى تتزوج من جديد، استكملت المحامية الحديث قائلة: "من ساعة ما عرفت بمرضه وهي بتعامله معاملة وحشة جدًا وكانت مستنياه يموت، ولما لقت إنه حالته الصحية اتحسنت شوية ومشاكل الكبد خفت عنده، راحت رفعت عليه قضية خلع بعد 8 شهور من مرضه عشان تتجوز من زميلها في الشغل".
رفعت دعوى خلع عشان تتجوز زميلها
رأت الزوجة صاحبة الـ 33 عامًا أنها صغيرة في السن وجميلة لذلك تستحق حياة أفضل ما جعلها تترك زوجها المريض، تابعت: "هي لسة صغيرة وحلوة عشان كدا شافت إنه من حقها تتجوز واحد تاني أول لما جوزها تعب عشان تعيش حياتها، وسابته فعلا وراحت رفعت عليه قضية خلع عشان نتروح تتجوز زميلها في الشغل" اختتمت محامية الزوج حديثها وعلامة التعجب تعتريها لما رأته من الزوجة التي لم تعطي أي اعتبار لسنوات العشرة مع زوجها وبدلاً من ان تساند زوجها في مرضه ومحنته تركته وذهبت للزواج من رجل أخر.