«متهنتش 4 شهور على بعض».. إسراء: حفي ورايا سنين ولما ضمني جابلي ضرة
تخيلت "إسراء" أنها ستحظى بحياة سعيدة بمجرد زواجها من الرجل الذي ظل يتتبعها أربع سنوات بالكامل، وبالرغم من رفض أهلها له في كل مرة يتقدم لها أصر على رأيه حتى وافق الأهل عليه، تلقت الصدمة بعد شهور قليلة وأنه يريد الزواج من أخرى ما جعلها تعرف طريق محكمة الأسرة وهي في ربيع شبابها لتقيم قضية طلاق ضده.
ملحقتش اتهنى أربع شهور على بعض
لم تحظى بالسعادة سوى أشهر قليلة وكل ما وجددته بعد ذلك هي تعاسة بعد ما أخبرها الزوج بأنه يريد الزواج من أخرى، تبدأ إسراء قصتها لقاضي محكمة الأسرة قائلة: "أنا وهو عايشين في منطقة واحدة بس مكنتش اعرفه اوي، جه اتقدملي بس أهلي موافقوش عليه وقالوا مش مناسب، بس هو مسكتش وجه أتقدم تاني وتالت ورابع لحد ما وافقوا"، تابعت: "كنت فاكرة بقى إنه خلاص هيعيشني ملكة بعد ما قعد يجري ورايا أربع سنين، بس كنت غلطانة عشان لاحظت إنه متغير معايا وأنا مش فاهمة ليه وخدت صدمة عمري فيه بعد أربع شهور من الجواز بالظبط".
عايز يجيب لي ضرة
لم تتوقع أنها تصطدم بهذه السرعة في الرجل الذي توسمت فيه الصلاح والخير لها ولحياتهما الزوجية، رفضت أن تكون رقم اثنين في حياته ما جعلها تطلب الطلاق منه على الفور بمجرد إخبارها هذا الخبر العظيم.
أضافت إسراء قائلة: “كنت حاسة إن في حاجة في الأول بس مكنتش عارفة إيه هي، عشان كانت معاملته معايا متغيرة جامد ومبقاش عايز يقعد معايا وشكيت إنه ممكن يكون عارف واحدة عليا، وفعلا شكي طلع في محلي، ومش بيخوني معاها بس دا كمان عايز يتجوزها”.
تستكمل رواياتها وتقول: "مكنتش مصدقة إن اللي كمان هيموت عليا هو اللي عايز يتجوز عليا بعد كام شهر من الجواز، مقدرتش استوعب اللي هو بيقوله دا وطلبت منه الطلاق على طول، بس رفض".
رفع قضية طلاق
بعد رفض الزواج للطلاق قررت التوجه نحو محكمة الاسرة ورفع قضية طلاق ضده تنقذها من زوجها الذي ظنت أنه يكون السند والعوض لها، تختم أخر كلماتها للقاضي قائلة: "لما لقيته مش راضي يطلقني ملقتش قدامي غير إني أرفع عليه قضية طلاق، أهلي مكنوش موافقين على دا خالص بس أنا مستحملتش اقعد يوم واحد معاه في البيت وهو بيقول لي إنه هيتجوز واحدة تانية".