«محرم عليا أشوف أهلي».. رحاب في دعوى طلاق: طردهم عشان جايين يشوفوني
زواج تقليدي عن طريق معرفة الأهل ببعضهم، فترة خطوبة مثالية عاشتها "رحاب" مع خطيبها الذي كان يحب عائلتها ويتعامل معهم بكل ود وحب، رسمت على أساسه حياتها السعيدة التي تعيشها معه في تفاهم بعد الزواج، فكانت المفاجأة أن كل الود الذي كان يحمله في قلبه لأهلها ضاع ووجدت معاملة أخرى، لا يريدها أن تذهب لأهلها وحتى المرة الذي قرر الأهل زياراتها لقوا نصيبهم من معاملته التي لا تعرف أي شيء عن الذوق.
فترة الخطوبة كانت كويسة
"من أول الجواز وهو مش طايق أهلي ومانعني حتى أروح لهم، وكل ما هما يجوا عندي البيت بيطردهم" بهذه الكلمات استهلت رحاب رواياتها للقاضي مضيفة أن معاملته مع أهلها قبل الزواج كانت مليئة بكل الود والاحترام المتبادل بينهما، تابعت: "كان جارنا وأهلي وأهله عارفين بعض كويس ولما جه أتقدم لي كانوا متحمسين وفرحانين إنه طلب إيدي، واتخطبنا والدنيا كانت جميلة بين الأهل مفيش أي خلافات ولا خناقات على أي حاجة، كل حاجة كانت ماشية كويسة جدًا".
أكدت الزوجة على المعاملة الجيدة التي كان يتظاهر بها قبل الزواج لأهلها فكان يعتبرهم مثل أهله ويكن لهم كل الاحترام، أكملت حديثها مضيفة: "طول فترة الخطوبة وهو كان بيعامل أهلي أحسن معاملة وكان بيعتبرهم زي أهله بالظبط وماما وبابا كمان كانوا بيحبوه وبيعتبروه ابنهم مش مجرد خطيب بنتهم، فترة الخطوبة عديت على خير من غير أي مشاكل، وكنت فاكرة إن الدنيا هتبقى زي الفل كدا بعد الجواز".
عايزني أقطع علاقتي بأهلي
تمنت رحاب أن حياتها تستمر بهذا التفاهم والتناغم الذي نشب بين أهلها وخطيبها ولكن بعد الزواج كل الأمور تغيرت وتغير معها الزوج ومعاملته مع أهلها الذي أرادها أن تقطع علاقتها بهم بعد الزواج ومنعها من أي زيارات متبادلة بينهما نهائيًا، تستمر رحاب في حديثها قائلة: "من أول شهر لقيته بيقول لي انسي أهلك مفيش زيارات ليهم تاني لا حتى هما يجولك تاني، قلت أكيد دا بيهزر بس للأسف مطلعش بيهزر وكل ما أجي رايحه أزور أهلي يمنعني وميخلنيش أخرج خالص، استغربت من معاملته الغريبة ودي وقلت أكيد في حاجة".
طرد أهلي عشان جايين يشوفوني
أضافت: "اتكلمت معاه وحاولت أفهم في إيه بس كل مرة كان يتخانق معايا خناقة كبيرة ويقول لي أنا حر، سمعت كلامه في الأول لحد ما أشوف الدنيا معاه هتمشي ازاي، بس لقيته مصمم على رأيه، ماما لما لقتني بقالي كتير مروحتلهاش جت عشان تشوفني هي وبابا واخواتي، وأنا قلت أكيد هيستقبلهم كويس بس للأسف استقبلهم بطريقة زي الزفت أول حاجة قالهالهم انتوا اية اللي جايبكم هنا امشي اطلعوا برا، كان الزوج هو الذي كتب نهاية قصتهم في محكمة الأسرة بهذا الموقف ورفع دعوى طلاق لا تزال منظورة في المحكمة حتى الآن.