«دخل عليا بالحنجل والمنجل».. منار في دعوى طلاق: متجوزني عشان أصرف عليه
نزعت “منار” فكرة الزواج مرة أخرى من بالها بعد ما أوقعها الحظ في مدمن، وقررت التركيز مع ابنها الوحيد، ولكن كان للقدر رأي أخر وتعرفت على رجل في عملها الجديد طلب منها الزواج، كانت مترددة في البداية ولكنها وافقت بعد إلحاح من الجميع عليها لعله يكتب لها الله الخير معه.
منار في دعوى طلاق: متجوزني عشان أصرف عليه
حظ فاشل للمرة الثانية كان السبب في معرفتها طريق محكمة الأسرة ورفع دعوى طلاق بعد ما وجدت نفسها وحدها في الحياة الزوجية دون مساعدة من زوجها الذي لا يفعل أي شيء سوى تكاسله في المنزل.
"ربنا موفقنيش في الجوازة الأولى، وكنت فاكراه هيكون العوض ليا أنا وابني، بس طلع غير ما انا كنت فاكرة خالص، وفجأة لقيتني أنا اللي بصرف ومتحملة كل مسئولية البيت وهو مأنتخ ومبيعملش حاجة في حياته"، بهذه العبارات بدأت منار رواياتها للقاضي مضيفة أنه كان شخص غير الذي اكتشفته بعد الزواج وأنه كان ونعم الأخلاق والمعاملة الطيبة معها هي وابنها الوحيد.
كنت فاكراه هيعوضني عن الجوازة الأولى
تابعت: "كنت متجوزة قبل كدا بس ربنا موفقش الدنيا بين واتطلقنا بعد سنتين من الجواز عشان اكتشفت إنه كان بيشرب مخدرات، كان معايا ابني لسة مكملش السنة وقلت مش هتجوز تاني وهركز مع ابني واربيه كويس وخلاص"، تستكمل الزوجة الحديث وهي تسترجع معاملته لها قبل الزواج وتقول: "نزلت اشتغل عشان اعرف اصرف على ابني عشان مطلبش حاجة من حد، وبعد فترة اتعرفت على واحد معايا في الشغل طلب مني يتجوزني، في الأول كنت رافضة بس ناس كتير لما لقيته كويس قالت لي مترفضيهوش، المهم عرفنا بعض اكتر وهو كان محترم ومعايا جدًا".
متجوزني عشان أصرف عليه
تراجعت منار عن قرارها برفض الزواج مرة أخرى، ووافقت على الزواج من زميلها في العمل بعد ما توسمت فيه الخير لها هي وابنها، ولكن ظنها خاب في أول شهور الزواج بعد ما اكتشفت الوجه الاخر له، تستكمل منار مضيفة: "جه أتقدم لي وأهلي وافقوا على طول لما لقوه رجل محترم وكويس، بس للأسف شفت حاجة غير اللي كنت اتوقعها خالص، لقيته قاعد في البيت من غير وبلا شغلة ولا مشغلة ولما جيت أقوله مش هتنزل الشغل قال لي لا مش هنزل وإذا كان عاجبك".
تتابع: "مكنتش عارفة أعمل إيه، بس مكنش قدامي حل غير إني انزل الشغل تاني عشان أعرف أصرف على ابني، ونزلت فعلًا وكنت فاكره إنه لما يلاقيني أنا اللي بصرف هيبقى عنده دم بس طلع معندوش دم واستحلى قعدة البيت وأنا اللي معكوكة في كل حاجة لوحدي"، لم تتحمل الزوجة أن تعيش بهذا النمط وقررت رفع دعوى طلاق وعدم التفكير في الزواج مرة أخرى.
تابع أحدث الأخبار عبر
