أخبار محكمة الأسرة
عائشة لـ محكمة الأسرة : أهل جوزي طلعوا عليا سمعة وحشة لأنى مش عاوزة أعيش خدامة ليهم
دعوى خلع ونفقة كانت صاحبتها «عائشة» التي كان أملها أن تعيش حياة مستقرة مع زوجها وأبنائها ولكن لم يسمح لها أهل زوجها أن تحقق أبسط أحلامها واوصلوها لأعتاب محكمة الأسرة حتى تحاول ان تحصل على حقوقها بعد أن اتهموها أبشع الاتهامات فقط لأنها رفضت ان تعيش كخادمة لهم.
قصص محكمة الأسرة..جواز قرايب
قالت «عائشة» في بداية حديثها: «أنا متجوزة بقالي 15 سنة وخلفت من جوزي بنتين وولد، أنا وهو كنا قرايب من بعيد ومكناش نعرف بعض من زمان بس اتقدملي وكان محترم هو وأهله وده اللي خلاني وافقت عليه، وده اللي خلاني اوافق اتجوز في بيت عيلة بالرغم أن أهلي كانوا رافضين».
دعاوي محكمة الأسرة.. مشاكل بيت العيلة
أكملت كلامها قائلة: «كان قرار غلط من ساعة ما دخلت بيت العيلة وأنا في مشاكل بسبب أمه وأخواته وسلايفي، كنا في مشاكل في طول الوقت بسبب ومن غير سبب وخناقات كتير ملهاش لزمة، كنت بعدي وأقول معلش عشان مكنتش عايزة مشاكل، ولما خلفت الولد اتعدلوا معايا شوية ».
حكايات محكمة الأسرة..مش سايبني في حالي
تابعت حديثها قائلة: «بهدلوني مهما عملت معاهم مفيش حاجة عاجباهم، لحد ما زهقت منهم وكلمت جوزي وقلتله اننا نسيب البيت ونسكن برة وخدت شقة برة فعلا وعيشنا حياتنا مستقرة فترة صغيرة وبرضوا مسابوناش في حالنا في الأخر فضلوا ورايا ونش راضيين يسبونا في حالنا لا أنا ولا جوزي كانوا بيقوموه عليا إنه يطلقني وهو شوية مكنش بيسمعلهم وشوية كان بيعمل معايا مشاكل بسببهم».
قضايا محكمة الأسرة.. قضية خلع ونفقة
أنهت حديثها قائلة: «لحد ما بقوا بيطلعوا عليا سمعة وحشة بيقولوا عليا بمشي مع رجالة وبسرق المطاعم والناس، ولما حاولت اسيب جوزي خالص عشان اخلص منهم كانوا عايزين يخطفوا ابني الصغير مني لحد ما سيبتلهم كل حاجة وجيت ارفع قضية خلع ونفقة على جوزي».
تابع أحدث الأخبار عبر
