أخبار محكمة الأسرة اليوم
مليش في الكومبوند وعاوزه أرجع الحارة.. عجائب قضايا الخلع في محكمة الأسرة
على عكي العديد من السيدات في سن العشرينات، تواجدت «سهير» في محكمة الأسرة حتى تساند ابنها الذي تركته زوجته دون رضاه وخربت بيتها ودمرت أسرتها ولم تهتم بابنتها أو مصلحتها، وبعد طلاقها تزوجت من رجل أخر وتركت ابنتها دون سؤال أو رعاية مما جعل الأب يرفع دعوى حضانة لتعيش ابنته حياة طبيعية معه.
قصص محكمة الأسرة.. ابني رافع قضية حضانة
بدأت «سهير» حديثها وقالت: «أنا جاية مع ابني رافع قضية حضانة عشان ياخد بنته تعيش معاه، هو كان متجوز بقاله 7 سنين مكناش نعرف مراته وأهلها كويس قبل الجواز، في أول الجواز الدنيا كانت كويسة ومفيش مشاكل بس بعد الجواز بانت على حقيقتها وأنها مكانتش مناسبة لابني ولا تنفع تعيش معاه».
دعاوي محكمة الأسرة.. ملهاش في الهدوء
أكملت حديثها قائلة: «مش عشان هو ابني لكن هو كان كويس ومحترم معاها وهي كان طبعها مش كويس ملهاش في الهدوء وإنها تقعد في بيتها، كان المكان مش عاجبها وعايزه الدوشة وتنزل الشارع كتير، وابني كان رافض إنها تبقى بالوضع ده بس صبر عليها عشان خاطر بنته متتبهدلش، لحد ما هما مرتاحوش مع بعض واتطلقوا».
حكايات محكمة الأسرة.. مدتوش فرصة يطلقها
تابعت حديثها قائلة: «لحد من سنتين تقريبا هي اللي عملت خلع واتجوزت بعد ما حصل الطلاق على طول، هي اللي رفعت خلع وهو مطلقهاش بمزاجه مدتوش فرصة يطلق، اتحججت أنها هي اللي مش مرتاحة وبتقول المكان مش مريحها وده سبب الطلاق، وأول ما عدتها خلصت اتجوزت ».
قضايا محكمة الأسرة.. دعوى حضانة
أنهت الزوجة حديثها قائلة: «ابني جه يرفع قضية حضانة عشان ياخد بنته لأنه مش عايز يسيبها تعيش مع جوز أمها، مراته أصلا راميه البنت معايا ومبتسألش غير كل فين وفين، جوزها مش قابل أنها تقعد معاها في البيت، وهو عايز يربي بنته معاه وتعيش حساة عادية بدل البهدلة اللي شافتها ».
تابع أحدث الأخبار عبر
