«بيهددني بخطفهم».. سحر في دعوى ضم حضانة: عايز يلوي دراعي بالعيال عشان أرجعله

قصدت سحر طريق لقضاء عن طريق إقامة دعوى ضم حضانة بعد ما هددها طليقها أكثر من مرة بخطف الأولاد منها إذا لم تقبل بالعودة له مرة أخرى، لذا توجهت إلى محكمة الأسرة من أجل رفع دعوى ضم حضانة تضمن بها بقاء أولادها معها.

حكايات محكمة الأسرة.. كنت فاكرة هخلص من قرفه بعد الطلاق

"كنت فاكرة لما اتطلق هخلص من قرفه بس الحقيقة إنه زاد ودلوقتي بيهددني إنه هيخطف العيال مني لو مرجعتلهوش ومش هعرف أشوفهم تاني" بهذه الكلمات بدأت سحر حكاياتها لقاضي المحكمة مبررة وجودها في محكمة الأسرة، تابعت: "كان معذبني في الجواز وطول الوقت خناق على الصغيرة والكبيرة، حاولت اعدي كتير واصبر بس مفيش فايدة فيه برضو كان أسلوبه بيزيد في الهمجية والعصبية ومبقتش أعرف اتعامل معاه خالص، عشان كدا طلبت منه الطلاق، مكنش راضي بس رفعت قضية في المحكمة وكسبتها". 

اقرأ أيضا

حكايات محكمة الأسرة.. ولاء: أهله ممشيينه على العجين ما يلخبطهوش

قصص محكمة الأسرة.. بيهددني إنه هيخطف العيال لو مرجعتلهوش

تفاقمت المشكلات بعد الطلاق على عكس ما توقعته سحر، بسبب إلحاح الزوج بالرجوع مرة أخرى لعش الزوجية ولكن استمرت الزوجة في رفضها ما جعله يهددها بخطف الأطفال وعدم رؤيتهم مرة أخرى، استكملت باقي تفاصيل قصتها: "كنت فاكرة إني هخلص من مشاكله وقرفه إلى عيشت فيهم 9 سنين بس كنت غلطانة، عشان اتطقنا من ةهنا والمشاكل زادت من هنا، بسبب إنه عايز يرجع لي وأنا مش راضية ولما حاول معايا كتير وأنا برضو مصممة قرر إن يهددني بالعيال ويقول لي إنه هياخدهم وبقى يهددني كتير بالحوار دا ويقولي مش هتشوفيهم تاني".

دعاوي محكمة الأسرة.. سحر في دعوى ضم حضانة

بعدما تمادى طليقها في تهديدها بخطف الأولاد قررت اللجوء إلى محكمة الأسر ورفع دعوى ضم حضانة لتضمن عدم اختطافهم، اختتمت سحر رواياها قائلة: "لما لقيته مكمل في الموضوع دا وكل شوية يهددني إنه هيخطف العيال أنا قلقت وقلت الاحسن ارفع دعوى ضم حضانة عشان أضمن إن العياله يفضلوا معايا وهو مش هياخدهم مني".

تابع أحدث الأخبار عبر