أخبار محكمة الأسرة اليوم
قصص محكمة الأسرة.. حسنية: وثقت في اختي وجوزت بنتي لابنها لكنه طلع بيشرب مخدرات
رغم كبر سنها تواجدت ربة منزل أمام محكمة الأسرة لرفع دعوى نفقة على ابن اختها الذي وثقت فيه وزوجت ابنتها له، وبعد ما أوصلت ابنتها لبيته ، وظنت أنها اختارت الأفضل لها لأنها تعلم ابن اختها وتعلم أخلاقه وتوسمت فيه أن يحافظ على ابنتها، لكنه دمر حياتها حتى اضطرت الأم أن تجبر ابنتها على تركه حتى ترى تكمل حياتها وترى مستقبلها.
«أنا جاية أرفع قضية على ابن اختي» كان هذا ما بدأت به «حسنية» حديثها عن سبب تواجدها في محكمة الأسرة وتابعت موضحة «أنا مناسبة أختي، ابنها اتجوز بنتي، قعدوا مع بعض 3 سنين بس، مكنش فيه مشاكل منه وقت الخطوبة احنا كنا في الأرياف واختي عايشة في مصر هنا وثقنا فيها وفي ابنها وسيبت بنتي تتجوزه».
حكايات محكمة الأسرة.. لو غضبت تبقى فضيحة
تابعت «حسنية» حديثها قائلة: «كان مبيصرفش عليها من ساعة ما اتجوزته، خلف حتى ونام في البيت ولا معيشها ولا معيش ابنها حياة كويسة، وقفت جنبها وكنت بساعدها عشان متخربش بيتها وعشان ابنها ميتبهدلش لأنها لو غضبت تبقى فضيحة، وكلمت اختي كتير عشان تخليه يتعدل لكن محدش كان قادر عليه».
دعاوي محكمة الأسرة.. جوازة غلط من الأول
أضافت الأم وهي حزينة على ابنتها: «بعد كدة عرفنا انه كان بيشرب مخدارت وكانت جوازة غلط من الأول، لما لقيت الوضع معاه كدة ومش هيتعدل قلتلها تطلق مادام معاها عيل واحد احنا هنربيه وهي تتجوز وتشوف حياتها، وفعلا طلقتها منه وابنها عايش معايا وهي اتجوزت واحد تاني محترم هي اللي اختارته وخلفت منه بنت، وهو منعرفش عنه حاجة من ساعة الطلاق».
قضايا محكمة الأسرة..مبيسألش في ابنه
أنهت «حسنية» حديثها قائلة: «دلوقتي رافعين قضية نفقة كل الورق عملته في البلد عندنا بس جيت أخلص الإجراءات هنا، وابنها في خامسة ابتدائي وعايش معايا، وهو قاعد في البيت مع امه في البيت مبيصرفش زي زمان، ولسه بيشرب مخدرات، انا مش حارمه الولد منه عشان لما يكبر ميسألنيش بعدتيني عن ابويا ليه بس هو اللي مبيسألش فيه».
تابع أحدث الأخبار عبر
