أخبار محكمة الأسرة اليوم
غالية في دعوى إثبات نسب: مرضيش يسجل بنتي عشان طلبت الطلاق
دعوى إثبات نسب كانت سبب تواجد «غالية» في محكمة الأسرة رفعتها حتى تثبت ان زوجها هو والد ابنتها لأنه رفض أن يسجلها ويعترف بهت عندما ولدت وترك زوجته وهي حامل فيها في الشهر السادس، وكانت فعلته بسبب إدمانه للمخدرات وسيطرتها على حياته وعلى عقله وكانت سبب دمار اسرته، وترك زوجته على أعتاب محكمة الأسرة تحاول إيجاد حلول لمشاكلها.
قضايا محكمة الأسرة..اتجوزت ابن خالتي في بيت عيلة
بدأت «غالية» حديثها وقالت: «أنا متجوزة من 2007 معايا من جوزي ولد عنده 12 سنة ومعايا بنتي الصغيرة، منفصلة عنه بقالي 6 سنين، أنا وجوزي كنا أولاد خاله، اتجوزنا في بيت عيلة والدنيا كانت تمام في الأول ومفيش مشاكل».
دعاوي محكمة الأسرة..اتحملته هو وأهله
أكملت «غالية» حديثها وقالت: «كان فيه بيني وبين جوزي مشاكل كتيرة، بس أنا كنت فاكرة إننا زي أي اتنين متجوزين، وأنا كنت بستحمل وأعدي ومعملش مشاكل عشان مخربش بيتي وعشان خاطرابني ، اتحملت وعديت كتير مشاكله هو وأهله عشان الدنيا تمشي لكن المشاكل بقت أكبر مني ومبقتش قادرة اتحمل ».
حكايات محكمة الأسرة..هرب وأنا حامل في 6 شهور
تابعت «غالية» حديثها قائلة: «المشاكل معاه زادت من زمان بسبب إنه بيشرب مخدرات بقاله 10 سنين تقريبا ومكنش باين عليه غير لما اتجوزنا ودلوقتي زاد أكتر الإدمان ضيعه ولحس دماغه خلاه واحد تاني، لما عرفت إنه بيشرب مخدرات عملت مشاكل كتير معاه عشان يبطل ومرضيتش اسيبه ووقفت جنبه، سابني وأنا حامل في بنتي 6 شهور بس وهرب ومعرفتلوش طريق من ساعتها ومكنتش عايزة أطلق منه لأني كنت حامل».
قضايا محكمة الأسرة..مسجلش البنت عشان طلبت الطلاق
أنهت «غالية» حديثها قائلة: «لما ملقتش فايدة منه وهو مش هيتحسن طلبت الطلاق ووقتها أهله اللي بلغوه إني عايزة أطلق، بنتي للصغيرة مرضيش يجي يسجلها عشان طلبت الطلاق، رفعت عليه قضية خلع واتطلقت بيها ومعرفتش أخد منه حاجة، ودلوقتي رافعة قضية إثبات نسب عشان خاطر أثبت أنها بنته واديها حقها».
ومازلت الزوجة تحاول أن تثبت نسب طفلتها لزوجها حتى تستطيع إعطائها حقوقها التي تستحقها وتربيها تربية حسنه حتى تعوضها عما فعله والدها معها، ويصاحبها في رحلتها الألم والحسرة عما شهدته.
تابع أحدث الأخبار عبر
