أخبار محكمة الأسرة اليوم
أيمن لـ محكمة الأسرة : مراتي عايزة تخطف بنتي وتسافر عشان متكملش معايا
كان هدف «أيمن» الوحيد وهو أمام محكمة الأسرة هو أن يحافظ على ابنته وعلاقته بها ويجعلها تبقى بجانبه حتى يرعاها ويربيها مثل أي أب ويحميها من نوايا والدتها في تدمير أسرتهم وأن تبعدها عنه لرغبتها في الانتقام منه، حاولت زوجته عدة مرات أن تأخذ ابنته منه وتسافر بها لبلدها وتوجه الزوج لمحكمة الأسرة حتى يحافظ على ابنته ويجعلها في حضانته حتى لا تهرب بها أمها خارج البلاد.
قصص محكمة الأسرة..مراتي اجنبية بس اتجوزنا وعيشنا في مصر
قال «أيمن» في بداية حديثه: «أنا متجوز بقالي 3 سنين، مراتي كانت مش مصرية اتعرفت عليها عن طريق الشغل، كانت كويسة جدا ومفيش منها مشاكل في الأول اتجوزنا وعيشنا في مصر وخلفنا بنت واحدة بس، وأنا اللي كنت بشتغل وأصرف على البيت ومخلي بالي منها ومن البنت والحياة كانت ماشية».
دعاوي محكمة الأسرة..رأيها مش من دماغها
أكمل «أيمن» حديثه وقال: «حصل بيني وبين مراتي شوية خلافات في أول الجواز بس كنا بنعديها عادي، هي كانت بتسمع كلام الناس كتير ورأيها مش من دماغها، كانت بتشتكي من المصاريف وكان مفيش حاجة عاجباها وعلى طول في خناقات ومشاكل، وأنا كنت بعدي عشان خاطر بنتي والبيت ميتخربش».
حكايات محكمة الأسرة..خدت بنتي وهربت بيها
تابع «أيمن» حديثه قائلا: «لحد من فترة حصل بينا مشكلة بقت فجأة بقت مش عايزة تقعد في مصر رغم أنها في الأول كانت معندهاش مانع، خدت البنت وسافرت عند أهلها وكانت رافضة ترجع البيت تاني مع إن المشكلة صغيرة ومتستاهلش، بس هي عايزة تاخد البنت وتمنعها عني ومشوفهاش تاني بس رجعتها وقتها ومشيت الدنيا ومعملتش مشكلة وصالحتها عشان خاطر بنتي ».
قضايا محكمة الأسرة..بتهددني أنها هتاخد البنت وتسافر
أنهى «أيمن» حديثه: «طول الوقت بقينا في مشاكل ومش عايزة تقعد في مصر وبعد كدة مش عايزة تكمل معايا، وبقت مع كل مشكلة تهددني أنها هتاخد البنت وتمشي وتسافر بلدها، لحد ما زهقت منها وجيت المحكمة عشان أرفع قضية حضانة أنها تبقى ليا عشان أقدر أخد بنتي وتبقى معايا وهي مبقتش فارقالي خلاص».
تابع أحدث الأخبار عبر
