أخبار محكمة الأسرة
مريم في دعوى نفقة: 5 سنين مبيصرفش علينا وطلع فاتح بيت تاني
دعوى نفقة رفعتها مريم في محكمة الأسرة بعد ما بدأت الخلافات بينها وبين زوجها بسبب رفضه الإنفاق عليها هي والأولاد دون سبب واضح، لتكتشف بعد ذلك السر الخفي وراء تغيره المفاجئ الذي يمنعه من الإنفاق على بيته وأولاده، وهو زواجه من أخرى دون علمها.
حكايات محكمة الأسرة
"طلع فاتح بيت تاني بفلوس ولادي".. بدأت مريم حكايتها لقاضي محكمة الأسرة بهذه العبارة التي كانت سبب مجيئها إلى المحكمة، وقالت: "كان بيصرف عليا أنا والعيال عادي من غير أي مشاكل بس ما اعرفش إيه اللي حصل بعد كده وما بقاش موافق إنه يصرف علينا جنيه واحد تاني، قلت يمكن ظروف عنده في الشغل عشان كده مش عارف يصرف علينا".
روايات محكمة الأسرة.. بقاله 5 سنين مش عايز يصرف على البيت
تمادى الزوج في عدم إنفاقه، وطال هذا الأمر، وهو أمر غير طبيعي وفقا لأقوال الزوجة التي أكدت أنه "من أول الجواز والدنيا كانت ماشية معانا تمام من غير أي مشاكل، بس بقاله 5 سنين اتغير معايا وما بقاش عايز يصرف عليا أنا والعيال جنيه واحد، وكل ما اجي أقول له عايزة مصاريف يقول لي مش معايا، ظروفي الفترة دي مش مساعداني".
عجائب محكمة الأسرة.. فلوسه ضايعة على البيت التاني
تغاضت الزوجة كثيًرا عن تصرفات الزوج، وظلت تضع له مبررات، ولكن بدأت الخلافات بينهما في التفاقم مع مرور الوقت، وأضافت مريم: “كنت باقول الأول يمكن ظروف يمكن مشاكل بس لما الموضوع عدى عليه سنة واتنين وتلاتة قلت لا كده فيه مشكلة وفيه حاجة هو مخبيها عليا.. بدأت أفتش في موبايله عشان اعرف فيه إيه لما لقيته مش راضي يقول لي أي حاجة، واتفاجئت إنه متجوز من ورايا وبيصرف كل فلوسه على مراته التانية”، هنا قررت الزوجة ترك المنزل ورفع دعوى نفقة تطالب فيها بمصروف شهري لها وللأولاد منذ 5 شهور، ولا تزال القضية منظورة في محكمة الأسرة حتى الآن.
تابع أحدث الأخبار عبر
