أخبار محكمة الأسرة اليوم
أميمة لـ محكمة الأسرة : هربان بقاله 9 سنين وبيرجع نشوفه من برة برة
كانت محكمة الأسرة هي الحل الأخير الذي لجأت له «أميمة» حتى ترفع على زوجها الرجل الذي تخلي عنها وعن أولادها لمدة 9 سنوات حتى لا يصرف عليهم ولا يتحمل المسؤولية، تاركا زوجته مجبورة أن تكون أب وأم لأولادهم وتتحمل مسؤوليتهم وحدها، وعندما فقدت الزوجة من وجود أي حلول ودية مع زوجها توجهت لمحكمة الأسرة حتى ترفع دعوى نفقة تحصل بها على حقوقها منه.
قضايا محكمة الأسرة..مكنتش أعرف جوزي كويس قبل الجواز
بدأت «أميمة» حديثها وقالت: «أنا متجوزة من 21 سنة معايا 3 ولاد من جوزي أنا وهو منفصلين عن بعض بقالنا 9 سنين ولسه متطلقناش هو اللي سابنا ومشي، أنا وهو كنا قرايب واتجوزنا بسرعة جدا بعدما اتقدملي عشان العيلتين عارفين بعض، بس انا وهو مكناش نعرف بعض كويس بس كله قال هتعرفوا بعض بعد الجواز».
دعاوي محكمة الأسرة.. بشتغل في البيوت عشان أساعده
أكملت «أميمة» حديثها وقالت: «المشاكل بينا كانت عادية ومش كبيرة كان مبيصرفش من زمان ولو بيصرف يبقى على القد ومجوعني أنا والعيال، بس أنا عشان أساعد في مصاريف البيت كنت بشتغل في البيوت وأصرف على نفسي وعلى اللي البيت محتاجه عشان الدنيا تمشي لأن مكنش فيه قدامي حل تاني».
حكايات محكمة الأسرة..بيرجع عشان يشوف أمه والعيال بس
تابعت «أميمة» حديثها قائلة: «لحد ما سابني من 9 سنين ومعرفلوش طريق، كان فيه بينا خلافات بسيطة وقتها بس مكنتش توصل لدرجة إنه يسيب البيت ويمشي دورت عليه في كل حته لكن مفيش فايدة معرفتش أوصله ولا أعرف مكانه فين، لحد من قريب بقى بيظهر شوية و يرجع يختفي تاني بيرجع عشانه بيشوف أمه والعيال من برة برة عشان ميشوفنيش ولا يعد معانا».
قضايا محكمة الأسرة..مرفعتش قضايا خفت من البهدلة
أنهت «أميمة» حديثها قائلة: «طول السنين دي مرفعتش عليه قضايا عشان متبهدلش في المحاكم بس أنا زهقت خلاص، كنت الأول بصبر نفسي إني مش عارفة مكانه ولا أعرف حصل ايه بس دلوقتي هو بيرجع بس مبيرجعلناش احنا ومبيسألش في بيته ولا اولاده ولا بيسأل حتى عايشين ازاي، جيت أرفع عليه قضية نفقة عشان حقي أنا وولادي».
تابع أحدث الأخبار عبر
