منال لقاضي محكمة الأسرة: بياخد تعبي وشقايا عشان يضيعه على كيفه

دعوى خلع في محكمة الأسرة بمثابة طوق النجاة لمنال بعد مأساة عاشتها مع زوج مدمن لسنوات طويلة كانت هي المسئول الأول والأخير عن المنزل من جميع الجهات لتقرير في النهاية وبعد 15 عام على هذا الوضع التخلص من هذه الحياة البائسة من خلال قصد محكمة الأسرة ورفع دعوى خلع.

قصص محكمة الأسرة.. موريني الويل

تحملت كثيرًا على أمل تغيير الأوضاع وتحسن حياتها ولكن وجدت حالها وبعد كل هذه السنوات من الصبر داخل أروقة محكمة الأسرة تطلب الخلع، استهلت حكاياتها لقاضي محكمة الأسرة مؤكدة أن حياتها من بداية الزواج مليئة بالمشكلات والخلافات بسبب زوجها المدمن، تابعت: "من ساعة ما اتجوزته وهو موريني الويل بسبب إدمانه ، وهو مش بيساعدني خالص وعاجبه حاله كدا".

اقرأ أيضا

محكمة الأسرة اليوم.. حسين: ابن عمها مديها فلوس عشان تخلعني، وعزة: متجوز وبيجيبها البيت لما انزل

حكايات محكمة الأسرة.. بياخد تعبي وشقايا عشان يضيعه

بدأت المشكلات في التصاعد بعد إصرار الزوج في البقاء على حاله دون اللجوء إلى العلاج أو الإصغاء لزوجته، تابعت: "حياتنا كلها بقت مخدرات وبس مبقاش يعرف الحاجة تاني في حياته، الأول كان بيشتغل قطاعي بس دلوقتي مبقاش يعمل اي حاجة غير إنه قاعدلي في البيت كدا من غير ولا شغلة ولا مشغلة وكل اللي عليه ياخد فلوس تعبي وشقايا عشان يجيب بيها القرف اللي بيشربه دا ومش مهم عياله ولا بيته".

روايات محكمة الأسرة

حاولت التغاضي كثيرًا حتى لا تفتعل المشكلات ولكن تصرفات الزوج جعلتها تقرر الانفصال والابتعاد عن هذه الحياة في أقرب فرصة، تستكمل منال حكاياتها: "صبرت كتير على أمل إنه يتغير بس مفيش فايدة فيه بالعكس، بيزيد ومفيش حاجة نافعة معاه خالص، مش عارفة اصرف على العيال عشان مخلص على فلوسي اول بأول"، أنهت الزوجة رواياتها وقالت: "مش عارفة اعيش معاه واكمل بالطريقة دي وهو مش مراعيني انا وعياله، لما لقيت مفيش فايدة رحت رفعت عليه قضية طلاق بقالي 3 شهور"، ولا تزال القضية منظورة في محكمة الأسرة حتى الآن.

تابع أحدث الأخبار عبر