أخبار محكمة الأسرة اليوم
نورا لـ محكمة الأسرة : عايش حياته مع مراته الأولى وراميني
لم تتوقع «نورا» عندما وافقت على أن تكون زوجة ثانية لزوجها أن تكون محكمة الأسرة هي نهايتها، تزوجت «نورا» ، وكان أملها أن تتزوج ليكون لها سند وضهر في الدنيا، وكان ذلك سبب موافقتها على الزواج من رجل متزوج من سيدة أخرى ووافقت على أن تشارك زوجها مع سيدة أخرى ولكن في النهاية ما وجدته هو قسوة القلب والبخل عليها.
قضايا محكمة الأسرة..وافقت أكون زوجة تانية
بدأت «نورا» حديثها وقالت: «أنا متجوزة من سنتين بس مخلفتش من جوزي أي أولاد وسايباه دلوقتي من سنة، لما جوزي جه اتقدملي كنت عارفة إنه متجوز وعنده بيت تاني وولاد، هو قالي وفهمني وعرفني إنه مش هيطلق مراته وأنا وافقت إني أكون زوجة تانية عشان هو كويس وعريس ميترفضش».
دعاوي محكمة الأسرة..مبيسألش فيا عشان مراته
أكملت «نورا» حديثها وقالت: «في أول الجواز الدنيا كانت تمام كان بيجي الأول كتير ويقعد معايا وبيصرف عليا، لكن بعد كدة بقى يجي أقل ومبشوفهوش غير كل فين فين ولما أتكلم معاه يقولي معلش وعندي ظروف والدنيا والعيال محتاجني وانتي لازم تقدري ظروفي وأنا كنت بستحمل عشان عارفة ظروفه».
حكايات محكمة الأسرة..محدش وقف معايا في مشكلتي
تابعت «نورا» حديثها قائلة: «فضلت كتير مستحملة على أساس إنه يرجع يتعدل ويبقى كويس، لكن هو كل مادى كان مبيسألش ومبيصرفش خالص، كان معتبرني مش موجودة في حياته، وكل لما اشتكي لحد يقولوا انتي اللي وافقتي على الوضع ده يبقلا لازم تستحملي، حاولت أتكلم معاه كتير لكن برضو مفيش فايدة لحد ما سيبت البيت عشان يصالحني مخدش بال حتى إني مشيت».
قضايا محكمة الأسرة.. طلقني عشان ميدفعش النفقة
أنهت «نورا» حديثها قائلة: «كلمني في التليفون مرة واحدة بس من ساعة ما مشيت ولما لقيت الوضع كدة ومش هيسأل فيا وعايش حياته مع مراته الأولى ومش بيسأل فيا، رفعت عليه قضية نفقة زوجية ومسكن وملبس لما عرف إني رفعتهم طلقني عشان يقفوا ومخدش منه حاجة، ودلوقتي جيت عشان أرفع قضية نفقة المتعة عشان أعرف أخد أي حاجة من حقوقي اللي مش راضي يديهالي».
تابع أحدث الأخبار عبر
