أخبار محكمة الأسرة
هند لـ محكمة الأسرة : رجعني لما عرف اني هحبسه وبهدلني معاه
لم يكن تواجد «هند» في محكمة الأسرة شيء جديد عليها، فبسبب زوجها توجهت لمحكمة الأسرة عدة مرات لتحصل على حقوق النفقة منه التي لم يعطيها لها بشكل ودي، وحرص على أن يفشل محاولاتها كل ذلك بسبب طمعه وبخله وعندما علم عندها من الممكن أن تأخذ حقوقها منه ردها إليه حتى يسقيها العذاب وانتهت السبل بالزوجة في المحكمة محاولة لوضع كلمة النهاية لقصتها.
قصص محكمة الأسرة..وافقت على جوزي بالرغم من ظروفه
قالت «هند» في بداية حديثها: «أنا متجوزة بقالي ١١ سنة عندي من جوزي ولد وبنت اتجوزنا عن طريق جواز صالونات اتقدملي وكان شخص مناسب وكويس ومحترم بس كان ظروفه على قده بالرغم من كده وافقت عليه عشان هو شخص كويس واتجوزنا وخلفنا والدنيا كانت ماشية».
دعاوي محكمة الأسرة.. مبيصرفش حتى لو معاه فلوس
أكملت «هند» حديثها وقالت: «المشاكل كانت على المصاريف كان مبيصرفش غير قليل كنت الأول بستحمل وأقول معلش عشان معهوش فبيعمل كده وبس وبيصرف قليل لكن بعد كده اكتشفت انه حتى لما بيبقى معاه فلوس مبيصرفش عليا ولا على العيال، الحياة كانت صعبة مع قلة المصاريف بس أنا كنت بستحمل عشان الدنيا تمشي ».
حكايات محكمة الأسرة..مبيدفعش النفقة
تابعت «هند» حديثها قائلة: «بعد خمس سنين الوضع كان الوضع زي ماهو، مبيصرفش غير قليل وقتها كنت لسه مخلفة ابني وبنتي صغيرة مبقتش قادرة استحمل قلة مصاريف ولما بطلب منه فلوس زيادة يتعصب ويقول معيش حتى لو معاه، تعبت منه وسبتله البيت وروحت عند أهلي وبعد كده رفعت عليه قضايا نفقة لأنه مسألش حتى علينا بعد ما مشينا، مكنش بيدفع النفقة وتراكم عليه كتير لما لقيته مبيدفعش رفعت أرضية نفقة متجمدة ».
قضايا محكمة الأسرة..بهدلني عشان اتنازلت
أنهت «هند» حديثها قائلة: «حاول يرجعني لما عرف ان ممكن يتحبس وافقت ارجعله قلت عشان خاطر العيال وبهدلني لما رجعت عشان رفعت عليه قضايا، استغل اني اتنازلت وعذبني معاه بقى مبيصرفش أكتر من الأول وبقى لو طلبت منه جنية بتعصب ويبهدل الدنيا وبقى يضربني، وجيت ارفع عليه خلع ونفقة ».
تابع أحدث الأخبار عبر
