محكمة الأسرة اليوم
«أخته قنبلة ذرية».. سميرة لـ محكمة الأسرة: عامل عبيط وسيبها تضربني وتشتمني
خلافات عاشتها “سميرة” منذ بداية زواجها، دفعتها إلى محكمة الأسرة، بسبب التدخل المستمر لأهل الزوج في جميع شئونهما الخاصة، ولكنها تمادت من بداية تدخل شقيقة الزوج الكبرى في كافة الأمور الخاصة، وكان هذا السبب الرئيسي في قصد الزوجة محكمة الأسرة ورفع دعوى خلع.
حكايات محكمة الأسرة.. حياتنا كانت كويسه من قبل ما أخته تشرف
استهلت سميرة رواياتها لقاضي محكمة الأسرة مؤكدة أنها تعيش في مشكلات من بداية الزواج ولكن ما زالت الأمور تحت السيطرة، انقلب كل شيء رأس على عقب بمجلاد حلول الشقيقة الكبرى للزوج، تابعت: "كان في مشاكل عادية من أول الجواز بس كانت عادية سهل تتحل بس من ساعة ما أخته الكبيرة اطلقت وجت معانا تعيش في البيت بقت هي اللي ممشية كل حاجة في البيت وجوزي مبقاش ليه كلمة".
قصص محكمة الأسرة.. أنا وجوزي ملناش أي رأي خالص
حاولت التأقلم على الوضع في البداية حتى لا تتفاقم المشكلات ولكن كان الوضع يتمادى ما جعل الخلافات تتصاعد بينهما، أضافت: "حاولت أمشي الدنيا عشان معملش مشاكل وعديتلها كتير عشان مكبرش المشاكل بس الموضوع زاد عن حده وبقيت هي اللي محكمة في كل حاجة وهي اللي ماشية البيت وأنا وجوزي ملناش أي رأي خالص، مقدرتش استحمل الأسلوب دا كتير وجوزي برضوا عامل عبيط".
عجائب محكمة الأسرة.. أخته بتشتمني وتضربني
قررت سميرة قصد محكمة الأسرة ورفع دعوى خلع بعد سنوات كثيرة على هذا الحال لم يتغير أي شيء، تستكمل الزوجة حديثها وتقول: “مش كفاية مستحملاها وساكتة عشان أحافظ على البيت بس هي مش مراعية دا ومش كمان هي اللي عايزة تمشي كل حاجة لا دا كمان بتضربني وتشتمني وبرضوا جوزي مبيعملش أي حاجة”.
أنهت رواياتها: “سبت البيت قبل كدا كتير بسببها بس المرة دي خلص جبت أخري ورفعت خلع مش مجلاد يومين هغضب فيهم كدا وخلاص لإن مش عايزة أكمل حياتي بالطريقة دي معاه"، لذا توجهت إلى محكمة الأسرة ورفع دعوى خلع منذ 7 شهور ولا تزال القضية منظورة في المحكمة حتى الآن,
تابع أحدث الأخبار عبر
