محكمة الأسرة اليوم
محكمة الأسرة.. ريهام: داير على حل شعره وكل يوم مع واحدة
حياة تعيسة عاشتها ريهام في عش زوجية مليئة بالمشاجرات والخلافات المستمرة بسبب خيانات الزوج اللانهائية، وكانت نهاية كل هذه المشكلات عتبة محكمة الأسرة التي قررت الزوجة اللجوء إليها بعد ما أدركت استحالة العيش مع زوج لا يلتفت إلا لخياناته.
حكايات محكمة الأسرة.. بيخوني من ساعة ما اتجوزته
تستهل الزوجة رواياتها لقاضي محكمة الأسرة مؤكدة على معاناتها التي تعيشها مع زوجها من بداية دخولها منزل الزوجية، قائلة: "من ساعة ما اتجوزته وهو بيخوني كل شوية أقفشه مع واحدة، أول ما عرفت قلت بلاش أكبر الموضوع أنا لسه في أول الجواز وبلاش أخرب بيتي بإيدي ودي أكيد نزوة وتعدي مش هتتكرر تاني".
قصص محكمة الأسرة.. داير على حل شعره
أدركت ريهام جيدًا أنها مخطئة؛ لأن الزوج تمادى في خياناته دون الالتفات إلى زوجته وأولاده الأربعة، وتستكمل الزوجة باقي تفاصيل قصتها قائلة: "كان عندي أمل إنه هيتغير وقلت أكيد الخلفة هتخليه يركز مع بيته وعياله، بس كنت غلطانة عشان خلفت العيل الأول والتاني ودلوقتي عندي 4 عيال ولسه زي ما هو مش مراعي أي حاجة بالعكس بيزيد في قرفه وخيانته ليا وماشي على حل شعره ومش مهم أي حاحة تانية".
دعاوي محكمة الأسرة.. ريهام في دعوى خلع
جاء قرار اللجوء إلى محكمة الأسرة ورفع دعوى خلع بعد 15 عاما من المعاناة التي عاشتها ريهام مع زوجها الخائن، وأضافت: "صبرت سنة واتنين و15 وهو لسه زي ما هو ما بيتغيرش ما فيش حاجة في حياته مهمة غير الستات اللي بيمشي معاها من ورايا، وكل مرة أقول هيعقل ويركز مع عياله وبيته وبرضو مفيش فايدة لحد ما جبت آخري وما بقتش مستحملة أعيش معاه خالص".
تابع أحدث الأخبار عبر
